బిజెపిలోకి అందాల నటి నమిత: సినిమాలకు స్వస్తి?
సినిమాల్లో ఆమెకు పెద్దగా అవకాశాలు రావడం లేదు. సింహ లాంటి సినిమాల్లో అతిథి పాత్రలు మాత్రమే లభిస్తున్నాయి. దీంతో ఇటీవల ఆమె తమిళ టీవీ చానెళ్లకు పరిమితమైంది. ఈ నేపథ్యంలో ఆమె బీజేపీ సభ్య త్వం తీసుకోనున్నట్లు కోలీవుడ్లో వార్తలు వెలువడుతున్నాయి.
డీఎంకే, అన్నాడీఎంకేల తో జత కట్టనిదే ఒక్క స్థానమైనా దక్కించుకోలేని స్థితిలో బిజెపి కొట్టుమిట్టాడుతోంది. తమిళనాడులో నమితకు విశేష ఆదరణ ఉది. దీంతో తమిళనాడులో బిజెపి దశను మార్చేందుకు ఆమె సిద్ధపడినట్లు చెబుతున్నారు. గుజరాత్ ముఖ్యమంత్రి నరేంద్రమోడీ సూచనతోనే బీజేపీలో చేరేందుకు నమిత సంసిద్ధత వ్యక్తం చేసినట్లు తెలుస్తోంది.
నమిత 1998లో మిస్ సూరత్గా ఎంపికైంది. తెలుగు, తమిళం, మలయాళం, హిందీ సినిమాల్లో ఆమె నటించింది. ఆమె ఆర్యన్ రాజేష్ సరసన సొంతం సినిమాలో నటించడం ద్వారా తెలుగు సినీ పరిశ్రమలోకి అడుగు పెట్టింది. లవ్ కే చక్కర్ మే సినిమా ద్వారా బాలీవుడ్లో ఎంట్రీ ఇచ్చింది.