వివాహేతర సంబంధం: మరో కుంభకోణం, ఒబామా అండ
పేట్రస్ సెక్స్ కుంభకోణాన్ని విచారిస్తున్న ఎఫ్బిఐ బృందం అలెన్ వ్యవహారాన్ని బయటపెట్టింది. జనరల్ అలెన్ మరో వివాహితకు పంపిన ఈ-మెయిల్స్ వెలుగులోకి వచ్చాయి. అలెన్కు ముప్పై ఏడేళ్ల సామాజిక కార్యకర్త జిల్ కెల్లీతో వివాహేతర సంబంధం ఉన్నట్లు ఎఫ్బిఐ అనుమానిస్తోంది. సిఐఏ మాజీ అధినేత డేవిడ్ పేట్రస్, ఆయన వివాహేతర సంబంధం పెట్టుకున్న బ్రాడ్వెల్కు జిల్ కెల్లీ స్నేహితురాలు.
తనకు ఈ-మెయిల్ బెదిరింపులు వస్తున్నాయని కెల్లీ ఎఫ్బిఐ అధికారులను ఆశ్రయించారు. అవి బ్రాడ్వెల్ అకౌంట్ నుంచే వచ్చినట్లు ఫెడరల్ అధికారులు కనిపెట్టారు. ఆ ఈ-మెయిల్లను తనిఖీ చేయగా పీట్రాస్తో ఆమెకు వివాహేతర సంబంధం ఉన్నట్లు అందులోనే బయటపడింది. అంతేకాదు అలెన్... జెల్లీ కెల్లీకి వందల ఈ-మెయిల్లు పంపినట్లు ఎఫ్బిఐ అధికారులు తేల్చారు.
అందులో కొన్ని కైపెక్కించే మాటలతో కూడి ఉన్నాయని వారంటున్నారు. అయితే జెల్లీ కెల్లీతో తనకు ఎలాంటి వివాహేతర సంబంధం లేదని అలెన్ వెల్లడించారు. పదోన్నతి కింద నాటో సుప్రీం కమాండర్గా అలెన్ను అమెరికా ప్రభుత్వం నియమించాల్సి ఉన్నా ఎఫ్బిఐ విచారణ కొనసాగుతున్నందున ఆగిపోయింది. కాగా జాన్ అలెన్కు అధ్యక్షుడు బరాక్ ఒబామా మద్దతుగా నిలిచారు.
Click it and Unblock the Notifications
Sign in with Google