లండన్ విచిత్రం: దిగంబరంగా విగ్రహంపై వ్యక్తి విన్యాసాలు

లండన్: ఓ దిగంబర వ్యక్తి మధ్య లండన్‌లోని కొన్ని ప్రాంతాలను స్తంభింపజేశాడు. శుక్రవారం ఈ సంఘటన చోటు చేసుకుంది. ప్రధాని డేవిడ్ కామెరోన్ కార్యాలయం వద్ద గల ఓ విగ్రహంపైకి ఎక్కి దాదాపు మూడు గంటల పాటు వివిధ భంగిమల్లో ఫోజులు ఇచ్చాడు.

నవంబర్ చలిని, జనాల చూపులను లెక్క చేయకుండా అతను విగ్రహంపై నగ్నంగా కనిపించాడు. ఈ విగ్రహం ప్రిన్స్ జార్జీది. జార్జి 19వ శతాబ్దంలో మిలిటరీ చీఫ్‌గా పనిచేశాడు. ఓ సమయంలో కేంబ్రిడ్జీ డ్యూక్‌గా కూడా ఉన్నారు. ప్రిన్స్ తలపై తనను తాను తౌల్యం చేసుకుంటూ దిగంబరుడు భంగిమలు పెట్టాడు.

వైట్‌హాల్‌లోని ఆ విగ్రహం వద్దకు పోలీసులు చేరుకున్నారు. ఇక్కడే కామెరోన్ కార్యాలయంతో పాటు పలు కార్యాలయాలున్నాయి. విగ్రహంపైకి ఎక్కిన వ్యక్తి వద్ద కత్తి ఉండవచ్చునని భావించారు. మధ్యాహ్నం 12 గంటల నుంచి సాయంత్రం 3 గంటల వరకు ఆ విగ్రహంపై అతను విన్యాసాలు చేశాడు.

అతన్ని కిందికి దింపడానికి పోలీసులు తీప్రంగా ప్రయత్నించారు. ఎట్టకేలకు మూడు గంటల ప్రాంతంలో అతడు కిందికి దిగి వచ్చాడు. అతన్ని పోలీసులు మానసిక ఆరోగ్య చట్టం కింద అరెస్టు చేశారు.

English summary

A naked man brought parts of central London to a standstill on Friday after he installed himself on a statue near Prime Minister David Cameron's office for nearly three hours.