• search
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జైపాల్ రెడ్డీ కాంగ్రెసును వీడుతారు: దామోదర్ రెడ్డి

By Pratap
|
R Damodar Reddy
హైదరాబాద్: తెలంగాణపై పార్టీ స్పష్టమైన వైఖరి చెప్పకపోతే కేంద్ర మంత్రి జైపాల్ రెడ్డి సహా రాష్ట్ర మంత్రులు జానారెడ్డి, సారయ్య, సుదర్శన్ రెడ్డి, తదితరులు పార్టీని వీడే అవకాశం ఉందని కాంగ్రెసు తెలంగాణ ప్రాంత శానససభ్యుడు ఆర్ దామోదర్ రెడ్డి అన్నారు. తెలంగాణ సెంటిమెంట్ బలంగా ఉందని, డిసెంబర్ 9వ తేదీ లోగా ఓ ప్రకటన వస్తుందని భావిస్తున్నామని ఆయన శనివారం మీడియా ప్రతినిధులతో అన్నారు.

తెలంగాణ ఉద్యమం నివురు గప్పిన నిప్పులా ఉందని ఆయన అన్నారు. ప్రస్థుత పరిస్థితుల్లో రాజకీయంగానే నిర్ణయాలు తీసుకోవాలని ఆయన అన్నారు. తెలంగాణవాదం వినిపించే పార్టీలతో ఫ్రంట్ ఏర్పాటు చేసే యోచనలో ఉన్నామని ఆయన చెప్పారు. డిసెంబర్ 9వ తేదీలోగా ఓ స్పష్టత వస్తుందని అన్నారు. రాష్ట్రంలో వైయస్సార్ కాంగ్రెసు పార్టీ బలంగా ఉందని అంటున్నా క్షేత్రస్థాయిలో ఆ పరిస్థితి కనిపించడం లేదని ఆయన అన్నారు.

తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు కూతురు, తెలంగాణ జాగృతి అధ్యక్షురాలు కవిత సూర్యాపేట నుంచి పోటీ చేసే అవకాశం ఉందని ఆయన చెప్పారు. తెలంగాణపై తేల్చకపోతే రాష్ట్రంలో తుడిచిపెట్టుకుపోతుందని ఆయన అన్నారు. తెలంగాణ ఇవ్వకపోతే ఈ నెలల ఢిల్లీ మొదలుకుని గల్లీ వరకు తెలంగాణ కాంగ్రెసు నాయకులు పార్టీని విడే అవకాశాలున్నాయని ఆయన అన్నారు.

తెలంగాణ ఫ్రంట్ మీద వచ్చే ఎన్నికల్లో పోటీ చేయాలని పలువురు తెలంగాణ కాంగ్రెసు నాయకులు ఆలోచన చేస్తున్నారని ఆయన అన్నారు. పిసిసి అధ్యక్ష పదవి కోసం రాజ్యసభ సభ్యుడు కెవిపి రామచందర్ రావు ప్రయత్నిస్తున్నారని, కెవిపి పిసిసి అధ్యక్షుడైతే తెలంగాణ రాష్ట్ర ఏర్పాటుకు మార్గం సులువు అవుతుందని ఆయన అన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని హైదరాబాద్ వార్తలుView All

English summary
Congress Telangana region MLA R Damodar Reddy said that union minister s Jaipal Reddy along with state ministers K Jana Reddy, Saraiah and Sudarshan Reddy may leave Congress party, if Telangana state is not carved.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more