దొంగతో పోలీస్ కూతురు లవ్: పెళ్లిలో 'దొంగ' భర్త హామీ

జైపూర్: ఓ పోలీసు కూతురు దొంగతో ప్రేమలో పడి, ఆ తర్వాత పెళ్లి చేసుకున్న ఘటన రాజస్తాన్‌లో చోటు చేసుకుంది. రాష్ట్రంలోని ధోల్‌పూర్ జిల్లా రాజ్‌ఖేడ్ ప్రాంతంలో ఓ పోలీసు కూతురును కొందరు అల్లరి మూకలు వేధించేవారు. దీంతో ఆ పోలీసు ఓ గజదొంగను కోరాడు. ఆ గజదొంగ అల్లరి మూకల నుండి పోలీసు కూతురిని రక్షించేందుకు సహకరించాడు. అయితే ఆ తర్వాతే అసలు కథ ప్రారంభమైంది. అల్లరి మూకల నుండి తనను రక్షించడానికి ప్రయత్నించిన గజదొంగతో ఆ పోలీసు కూతురు ప్రేమలో పడింది.

సదరు పోలీసు ఢిల్లీలో హెడ్ కానిస్టేబుల్‌గా పని చేస్తున్నాడు. అయితే ధోలాపుర్‌లో తన కూతురును కొందరు దొంగలు వేధిస్తుండటంతో పదిహేను దొంగతనం కేసులు ఉన్న మరో దొంగకు కూతురును అల్లరి మూకల నుండి రక్షించాలని సహాయం కోరాడు. ఆమె వేధింపుల నుండి బయటపడి గజదొంగతో ప్రేమలో పడింది.

ఆమె ప్రేమను పోలీసు తండ్రి ఎంతకూ అంగీకరించలేదు. కూతురు కూడా తన ప్రయత్నాలు విడువలేదు. క్రమంగా వారు పెళ్లికి ఒప్పుకున్నారు. దీంతో ఇటీవల పెరోల్ పైన విడుదలైన సదరు గజదొంగతో పోలీసు కూతురు వివాహం జరిగింది. కాగా మళ్లీ దొంగతనాలు చేయనని, బుద్ధిగా బతుకుతానని సదరు గజదొంగ తన భార్యకు హామీ ఇచ్చాడు.

English summary

A police daughter has fell in love with thief in Rajastan and get married him.