• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

జగన్ 16 ఎంపి సీట్ల లిస్టు: సురేఖ, గుత్తా, కోమటిరెడ్డి?

By Pratap
|

హైదరాబాద్: కాంగ్రెసు పార్టీ పార్లమెంటు సభ్యులు కోమటిరెడ్డి రాజగోపాల్ రెడ్డి, గుత్తా సుఖేందర్ రెడ్డి వైయస్ జగన్ నాయకత్వంలోని వైయస్ జగన్ నాయకత్వంలోని వైయస్సార్ కాంగ్రెసు పార్టీలో చేరే అంశం ఖాయమైనట్లు ప్రచారం జరుగుతోంది. వైయస్ జగన్ దాదాపుగా ఖాయం చేశారని చెబుతున్న లోకసభ పార్టీ అభ్యర్థుల జాబితాలో వారిద్దరి పేర్లు కూడా ఉన్నాయి. నల్లగొండ జిల్లాలోని భువనగిరి నుంచి కోమటిరెడ్డి రాజగోపాల్ రెడ్డి పేరును, నల్లగొండ నుంచి గుత్తా సుఖేందర్ రెడ్డి పేరును జగన్ దాదాపుగా ఖరారు చేసినట్లు ప్రచారం సాగుతోంది.

YS Jagan

వైయస్ జగన్ 16 లోకసభ స్థానాలకు ఇప్పటికే అభ్యర్థులను ఖరారు చేసినట్లు ఊహాగానాలు చెలరేగుతున్నాయి. కడప లోకసభ స్థానం అభ్యర్థిగా వైయస్ అవినాష్ రెడ్డి పేరు ఖరారైనట్లు చెబుతున్నారు. రాజంపేట నుంచి కాంగ్రెసు శాసనసభ్యుడి కుమారుడు మిథున్ రెడ్డి పేరును ఖాయం చేసినట్లు చెబుతున్నారు. నంద్యాల నుంచి భూమా నాగిరెడ్డి, తిరుపతి నుంచి తెలుగుదేశం పార్టీ ఎంపి కె. శివప్రసాద్ వైయస్సార్ కాంగ్రెసు పార్టీ అభ్యర్థులుగా రంగంలోకి దిగుతారని ప్రచారం సాగుతోంది.

సిట్టింగ్ ఎంపి మేకపాటి రాజమోహన్ రెడ్డి మళ్లీ నెల్లూరు నుంచి పోటీ చేస్తారు. అలాగే, మచిలీపట్నం నుంచి కుక్కల నాగేశ్వర రావు (మాజీ జిల్లా పరిషత్ చైర్మన్), మాజీ కాంగ్రెసు పార్లమెంటు సభ్యుడు వి. బాలశౌరి గుంటూరు నుంచి పోటీకి దిగనున్నట్లు తెలుస్తోంది. నర్సారావుపేట నుంచి రాంకీ అయోధ్యా రెడ్డిని పోటీకి దించాలని వైయస్ జగన్ నిర్ణయించుకున్నారట.

ఖమ్మం లోకసభ స్థానం నుంచి జలగం వెంకటరావును గానీ కొండా సురేఖను గానీ పోటీకి పెట్లాలని జగన్ అనుకుంటున్నట్లు తెలుస్తోంది. కరీంనగర్ నుంచి మాజీ రాష్ట్ర మంత్రి టి. జీవన్ రెడ్డి, ఆదిలాబాద్ నుంచి ఇంద్రకరణ్ రెడ్డి వైయస్సార్ కాంగ్రెసు పార్టీ అభ్యర్థులుగా పోటీకి దిగుతారని చెబుతున్నారు. నిజామాబాద్ నుంచి కె. గంగారెడ్డిని గానీ, బాజిరెడ్డి గోవర్ధన్‌ను గానీ పోటీకి పెట్టాలని ఆయన అనుకుంటున్నారని అంటున్నారు. కాకినాడ నియోజకవర్గం లోకసభ టికెట్ చెలమసెట్టి సునీల్‌కు ఇవ్వాలని జగన్ నిర్ణయం తీసుకున్నారని సమాచారం. ఏవైనా అవాంతరాలు వస్తే తప్ప ఈ జాబితా మారదనే ప్రచారం కూడా సాగుతోంది.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
A buz is that YSR Congress party president YS Jagan has almost finalised candidates for 16 Loksabha seats for coming election. The list included Comgress MPs Komatireddy Rajagopal Reddy and Gutta Sukhender Reddy names.
Get Instant News Updates
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more