• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఢిల్లీ గ్యాంగ్ రేప్: విషమం, సింగపూర్‌కు బాధితురాలు

By Pratap
|

Delhi gang-rape case: Girl reaches Singapore hospital
న్యూఢిల్లీ: ఢిల్లీ సామూహిక అత్యాచారం బాధితురాలిని సింగపూర్‌కు తరలించారు. ఆమెను కాపాడేందుకు కేంద్ర ప్రభుత్వం కృతనిశ్చయంతో ఉంది. ఆమె ఆరోగ్యం పూర్తిగా క్షీణించడంతో మెరుగైన వైద్యం కోసం సింగపూర్ తరలించారు. ఆమె చికిత్సకు ఏమాత్రం స్పందించలేదని తెలుస్తోంది. దీంతో అత్యవసర చికిత్స కోసం బుధవారం రాత్రి సింగపూర్‌లోని మౌంట్ ఎలిజబెత్ ఆస్పత్రికి తరలించింది.

బాధితురాలితో పాటు ఆమె తల్లిదండ్రులు, ఇప్పటివరకు చికిత్స అందించిన సఫ్దర్ జంగ్ ఆస్పత్రిలోని ఇద్దరు సీనియర్ హృద్రోగ నిపుణులు ప్రత్యేక ఎయిర్ అంబులెన్స్‌లో సింగపూర్‌కు వెళ్లారు. ఆ ఎయిర్ అంబులెన్స్‌లోనే ఐసీయూ సౌకర్యం కూడా ఉంది. బాధితురాలి విషయంలో ప్రధాని మన్మోహన్, సోనియాగాంధీ ప్రత్యేకంగా చొరవ తీసుకున్నారు. దీనిపై కేంద్ర కేబినెట్ సమావేశంలోనూ చర్చించారు.

సింగపూర్ ప్రభుత్వంతో మాట్లాడి అప్పటికప్పుడే అందరికీ వీసాలు మంజూరు చేయించారు. బాధితురాలికి అత్యుత్తమ వైద్యం, భద్రత కల్పించే విధంగా ఆ ప్రభుత్వం నుంచి హామీ తీసుకున్నారు. బాధితురాలికి ఇన్‌ఫెక్షన్ రాకుండా తొలగించిన చిన్న పేవుల స్థానంలో దాతల నుంచి సేకరించిన అవయవాలను అమర్చేందుకు సిద్ధమైంది. బాధితురాలికి అవసరమైన అన్ని రకాల సహాయం అందించాలని సింగపూర్‌లోని భారత హైకమిషన్‌ను ఆదేశించింది.

ఆమె విషయంలో భారత దేశ ప్రతినిధి స్థాయిలో వ్యవహరించాలని సూచించింది. ఆమె చికిత్సకు అయ్యే వ్యయం మొత్తాన్నీ ప్రభుత్వమే భరించనుంది. బాధితురాలిని తరలించనున్న మౌంట్ ఎలిజబెత్ ఆస్పత్రి అవయవ మార్పిడి శస్త్రచికిత్సలకు ప్రసిద్ధి అని, అందువల్ల ఆ ఆస్పత్రిలో ఆమెకు చిన్న పేగుల మార్పిడి శస్త్రచికిత్స చేయించనున్నట్లు సఫ్దర్‌జంగ్ ఆస్పత్రి సూపరింటెండెంట్ బీడీ అథానీ చెప్పారు. ఆమెకు చికిత్స అందించేందుకు కొన్ని వారాలు పట్టవచ్చని తెలిపారు.

బాధితురాలిని సింగపూర్‌కు తరలించడానికి ముందు ఆమె తండ్రి మీడియాతో మాట్లాడారు. "మాకు ఏ విషయం తెలియదు. విదేశానికి వెళ్తున్నామని మాత్రమే చెప్పారు. ఎక్కడి వెళ్లేదీ? ఆమె పరిస్థితి ఏమిటి? అనే వివరాలేమీ మాకు చెప్పలేదు. మా కుటుంబం మొత్తం ఆమెతో వెళ్తున్నాం'' అని ఆయన చెప్పారు.

తన కూతురు జీవితంతో పోరాడి అలిసిపోయిందని బాధితురాలి తల్లి తనను కలిసిన కాంగ్రెస్ అధికార ప్రతినిధి రేణుకా చౌదరి, లోక్‌సభ స్పీకర్ మీరాకుమార్‌కు చెప్పారు. ఈ ఇద్దరు రెండురోజుల క్రితం బాధితురాలి తల్లిదండ్రులను కలుసుకున్నారు. ఐసీయూకు వెళ్లి బాధితురాల్ని చూసేందుకు ఈ ఇద్దరికీ ధైర్యం చాల్లేదు. తమ అధికారాల్ని ఉపయోగించి ఐసీయూలోకి వెళ్లాలనుకోలేదని వారు చెప్పారు. ఆమె తల్లిదండ్రులిద్దర్నీ చూసి రేణుకాచౌదరి, మీరాకుమార్ ఇద్దరూ ఆశ్చర్యపోయారు.

ఉత్తరప్రదేశ్‌లోని బలియా జిల్లా మెడ్‌వారాకలాన్ గ్రామం నుంచి కుమార్తెతో పాటు వచ్చి ద్వారకలోని మహావీర్ ఎన్‌క్లేవ్‌లో చిన్న ఇంట్లో జీవిస్తున్నారు. తమ కుమార్తె చదువుకోసం వారు తమ పొలాన్ని కూడా అమ్ముకుని ఢిల్లీకి వచ్చారు. గురువారం ఉదయానికి బాధితురాలు సింగపూర్ చేరుకుంది.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
The 23-year-old girl, battling for life for the past 10 days at Safdarjung hospital after being brutally gang-raped, has reached Singapore on Thursday morning.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more