వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

డైలాగులకు కొదువ లేదు: కెసిఆర్‌పై విమలక్క ధ్వజం

By Srinivas
|
Google Oneindia TeluguNews

Vimalakka
హైదరాబాద్: తెలంగాణ రాష్ట్ర సమితి అధ్యక్షుడు, మహబూబ్ నగర్ పార్లమెంటు సభ్యుడు కల్వకుంట్ల చంద్రశేఖర రావు పైన సామాజిక ఉద్యమ నేత విమలక్క ఆదివారం తీవ్రస్థాయిలో మండిపడ్డారు. తెలంగాణ ప్రజలను మభ్య పెట్టేందుకు కెసిఆర్ కొట్టే డైలాగులకు ఏమాత్రం కొదువ లేదన్నారు. కెసిఆర్, తెలంగాణ రాష్ట్ర సమితి తెలంగాణ ప్రజలను ఇంకా ఎంతకాలం భ్రమల్లో ఉంచుతుందని నిలదీశారు.

తెలంగాణ ఉద్యమానికి సరైన పోరాట రూపం ఇవ్వడంలో విఫలమయ్యారని మండిపడ్డారు. పోరాటానికి సరైన రూపం ఇవ్వక పోవడం వల్లనే ఆత్మహత్యలు జరుగుతున్నాయని ఆమె ఆవేదన వ్యక్తం చేశారు. తెలంగాణ కోసం ఎవరూ ఆత్మహత్యలకు పాల్పడవద్దని ఆమె విజ్ఞప్తి చేశారు. తెలంగాణ పోరాడి సాధించుకోవాలే తప్ప ఆత్మహత్యలు చేసుకోరాదని ఆమె ఈ సందర్భంగా సూచించారు.

తెలంగాణ కోసం 2014 వరకు ఆగాల్సిన అవసరమేముందో చెప్పాలని ఆమె కెసిఆర్‌ను ప్రశ్నించారు. రాజ్యహింసను ప్రశ్నించ లేని వారు తెలంగాణ ఉద్యమాన్ని ఎలా విజయవంతంగా నడిపించగలరని ఆమె నిప్పులు చెరిగారు. ఉద్యమం పేరుతో ప్రజలను మభ్యపెట్టడం మానుకోవాలన్నారు.

కాగా టోల్ గేటు ధ్వంసం కేసులో విమలక్కను పోలీసులు అరెస్టు చేసిన విషయం తెలిసిందే. ఆమె ఇటీవలే బెయిల్ పైన విడుదలయ్యారు. విమలక్క అరెస్టును విపక్షాలతో సహా పలు ప్రజా సంఘాలు ఖండించాయి. కానీ తెలంగాణ రాష్ట్ర సమితి పెదవి విప్పలేదు. దీనిపై టిడిపి తెరాసను పలుమార్లు ప్రశ్నించింది కూడా.

English summary
Vimalakka has lahsed out at TRS chief and Mahaboobnagar MP K Chandrasekhar Rao on Sunday.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X