• search
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

చెర్రీ నాయక్‌లో ఇంటిపేరే మార్చారు అందుకే: గండి బాబ్జీ

By Srinivas
|
Nayak
విశాఖపట్నం: రామ్ చరణ్ తేజ, కాజల్, అమలపాల్ నాయకానాయికలుగా డివివి దానయ్య నిర్మాణంలో, వివి వినాయక్ దర్శకత్వంలో వచ్చిన నాయక్ చిత్రంలో కేవలం ఇంటి పేరును మాత్రమే తొలగించి బాబ్జీ అనేది అలాగే ఉంచారని, దానిపై తాను అభ్యంతరం వ్యక్తం చేస్తూ ఐదుగురి పైన పోలీసు స్టేషన్‌లో ఫిర్యాదు చేసినట్లు విశాఖ జిల్లా మాజీ శాసనసభ్యుడు గండి బాబ్జీ మంగళవారం అన్నారు.

ఈ చిత్రంలో విలన్ అన్యాయం, అక్రమాలు, భూకబ్జాలు చేయడం సినియే కావచ్చు. కానీ తన పేరు పేరుతో ఉండడం చాలా అవమానంగా ఉందన్నారు. చిత్రం విడుదలైన రోజే తాను ఈ విషయాన్ని దర్శకులు వివి వినాయక్ దృష్టికి తీసుకు వెళ్లానన్నారు. దానిపై స్పందించిన ఆయన పేరును తొలగిస్తానని చెప్పారని కానీ, కేవలం ఇంటి పేరును మాత్రమే తొలగించారని, బాబ్జీ అనే దానిని అలాగే ఉంచారన్నారు. చిత్రం విడుదలయి వారం రోజులు గడుస్తున్నా తన పేరును పూర్తిగా తొలగించకపోవడంతో కేసు నమోదు చేసినట్లు చెప్పారు.

కాగా నాయక్‌లో విలన్ పేరుకు తన పేరు పెట్టినందుకు అగ్గి మీద గుగ్గిలం అవుతున్న మాజీ శానససభ్యుడు గండి బాబ్జీ సినిమా దర్శకుడు వినాయక్, నిర్మాత దానయ్యలపై మంగళవారం నాడు విశాఖపట్నం జిల్లా పెందుర్తి పోలీసులకు ఫిర్యాదు చేసిన విషయం తెలిసిందే. పరువు నష్టం దావా వేసేందుకు కూడా ఆయన సన్నాహాలు చేసుకుంటున్నారు. నాయక్ చిత్రంలో విలన్ పేరు మార్చాలంటూ గండి బాబ్జీ ఇటీవల ఆందోళనకు దిగారు.

చిత్రంలో విలన్ పాత్రకు తన పేరును పోలిన పేరు ఉండటంపై ఆయన అభ్యంతరం వ్యక్తం చేశారు. పేరును వెంటనే మార్చాలని డిమాండ్ చేశారు. ఆ పేరును ఉద్దేశ్యపూర్వకంగానే పెట్టినట్లుగా బాబ్జీ అభిప్రాయపడ్డారు. నాయక్ | రామ్ చరణ్ తేజ్ గండి బాబ్జీ జిల్లాలోని పెందుర్తిలో ఈ నెల 9వ తేదీన ఆందోళనకు దిగారు. తక్షణమే పేరు మార్చాలని అతను నిర్మాతను, దర్శకుడిని కోరారు. రేపటిలోగా సినిమాలో విలన్ పాత్రధారి పేరు మార్చాలన్నాడు.

లేదంటే దర్శకుడి పైన తాను క్రిమినల్ కేసు పెట్టేందుకు కూడా వెనుకాడే ప్రసక్తి లేదన్నాడు. కాగా ఇందుకు సంబంధించి గండి బాబ్జీ దర్శకుడు వివి వినాయక్‌తో ఫోన్‌లో మాట్లాడినట్లుగా సమాచారం. వినాయక్ సుముఖత వ్యక్తం చేసినట్లుగా తెలుస్తోంది. కాగా రామ్ చరణ్ తేజ హీరోగా, కాజల్, అమలపాల్ హీరోయిన్లుగా నటించిన నాయక్ చిత్రం ఈ నెల 9వ తేదీన విడుదలైన విషయం తెలిసిందే.

ఈ చిత్రంలో విలన్ పాత్రధారి రాహుల్ దేవ్ పేరును గండిపేట బాబ్జిగా చూపించారు. అతనో డాన్. సినిమాలోని గండిపేట బాబ్జీ పేరు, ఆందోళన చేపట్టిన గండి బాబ్జీ పేర్లు దగ్గరగా ఉన్నాయి. నాయక్ చిత్రం ఫరవాలేదనే టాక్ తెచ్చుకుంది. ఈ సినిమాలో తన తండ్రి చిరంజీవి 'కొండవీటి దొంగ' సినిమాలోని 'శుభలేఖ రాసుకొన్నా' అనే గీతాన్ని మాత్రమే రీమిక్స్‌ చేశారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని ram charan teja వార్తలుView All

English summary
Former MLA Gandi Babji has made complaint against Ram Charan Tej's Nayak film director VV Vinayak and producer Danaiah.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more