• search

సీతమ్మ వాకిట్లో.. ఆ సన్నివేశాలు తొలగించాలి: వీరశివా

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Veerasiva appeals SVSC film unit
    హైదరాబాద్: విక్టరీ వెంకటేష్, ప్రిన్స్ మహేష్ బాబు, అంజలి, సమంత నాయకానాయికలుగా శ్రీకాంత్ అడ్డాల దర్శకత్వంలో వచ్చిన సీతమ్మ వాకిట్లో సిరిమల్లె చెట్టు చిత్రంలోని ఓ సన్నివేశంపై కడప జిల్లా కమలాపురం ఎమ్మెల్యే వీరశివా రెడ్డి అభ్యంతరం వ్యక్తం చేశారు. సినిమాలో శ్రీరామ నవమి కల్యాణ వేదికలో అపశృతులు చోటు చేసుకున్నట్లుగా చూపడం తనను తీవ్ర మనస్థాపానికి గురి చేసిందన్నారు.

    రాష్ట్రవ్యాప్తంగా సినిమా ప్రదర్శన నిలిపివేసి, ఆ అభ్యంతరకర సన్నివేశాలని తొలగించాలని ఆయన చిత్ర యూనిట్‌కు విజ్ఞప్తి చేశారు. సినిమాలోని అగ్నిప్రమాద సన్నివేశం భక్తుల మనోభావాలను దెబ్బతీసే విధంగా ఉందన్నారు. ఆ సన్నివేశాన్ని వెంటనే తొలగించాలన్నారు. అప్పటి వరకు సినిమా ప్రదర్శనను నిలిపి వేయాలని కోరారు.

    శ్రీరామనవమి రోజున భద్రాచలంలో శ్రీ సీతారామచంద్రస్వామి కళ్యాణవేదికలో భక్తులు జై శ్రీరామ్ అంటూ నినాదాలు చేస్తున్న సమయంలో విద్యుదాఘాతం వల్ల అగ్ని ప్రమాదం సంభవించడం, దాంతో భక్తులు ప్రాణభయంతో పరుగులు తీయడం కలిచివేసిందన్నారు.

    శ్రీ సీతారామ చంద్రస్వామి కళ్యాణాన్ని లోక కళ్యాణంగా భక్తులు భావిస్తారని, ఈ కళ్యాణానికి ముక్కోటి దేవతలు విచ్చేసి సీతారామ చంద్రులపై పూల వర్షాన్ని కురిపిస్తారని, అష్ట దిక్పాలకులు స్వామి వారి కళ్యాణ ఏర్పాట్లకు రక్షణగా నిలుస్తారని, పంచ భూతాలు సహితం సహకరిస్తాయని పురాణ ఇతిహాసాల్లో ఉందని గుర్తు చేశారు. ఇందుకు భిన్నంగా ఈ చిత్రంలో సన్నివేశాన్ని తీయడం సరికాదన్నారు.

    English summary
    Kamalapuram MLA Veerasiva Reddy has appealed Seethamma Vakitlo Sirimalle Chettu film unit to remove Srirama Navami incident from movie.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more