తెలంగాణ అడగడం కాదు: 'నూటొక్క..' పుస్తకావిష్కరణ

న్యూఢిల్లీ: తెలంగాణ ప్రాంతంలో ప్రత్యేక రాష్ట్ర సెంటిమెంట్ ఉందని కానీ, విభజనే పరిష్కారం కాదని ప్రధానమంత్రి మాజీ సలహాదారు సంజయ్ బారు మంగళవారం అన్నారు. విశాలాంధ్ర మహాసభ న్యూఢిల్లీలో తెలంగాణవాదుల నూటొక్క అబద్దాలు పుస్తకాన్ని ఆవిష్కరించింది. ఈ కార్యక్రమంలో విశాలాంధ్ర నేత పరకాల ప్రభాకర్, సంజయ బారుతో పాటు పలువురు పాల్గొన్నారు. ఈ సందర్భంగా సంజయ బారు మాట్లాడారు.

తెలంగాణవాదుల నూటొక్క అబద్దాల పుస్తకంలోని అంశాలను తాను ఖండించడం కానీ ఆమోదించడం కానీ చేయడం లేదన్నారు. అయితే ప్రజాస్వామ్యంలో ప్రతి ఒక్కరికి మాట్లాడే హక్కు ఉందన్నారు. ప్రతి ఒక్కరికి తమ తమ అభిప్రాయం చెప్పుకునే హక్కు ఉందన్నారు. ఈ కార్యక్రమానికి వెళ్లవద్దని తనకు పలువురు సందేశాలు పంపారని, సూచనలు చేశారన్నారు. తనపై ఎంతగా ఒత్తిడి తెచ్చినప్పటికీ తాను పాల్గొన్నానని అన్నారు.

నూటొక్క అబద్దాల పుస్తకాన్ని అందరూ చదవాలని, వాస్తవ పరిస్థితులను తెలుసుకోవాలన్నారు. పుస్తకాన్ని పూర్తిగా చదివి, వాస్తవ పరిస్థితులను అందరికీ తెలియజేయాల్సిన అవసరం ఉందన్నారు. శ్రీకృష్ణ కమిటీ తెలంగాణ అంశంపై ఓ మంచి నివేదిక ఇచ్చిందన్నారు. అయితే రహస్యం నివేదికను తప్పుగా రూపొందించారన్నారు. తెలంగాణ కోసం అరవయ్యేళ్లుగా పోరాటం జరుగుతోందన్నారు.

తెలంగాణ వెనుకబాటుతనం గురించి పరిశోధన జరగాల్సిన అవసరం ఉందన్నారు. హైదరాబాద్ పబ్లిక్ సెక్టార్ అన్నారు. ముంబయికీ ధీటుగా అది అభివృద్ధి చెందుతోందన్నారు. ఐటి అభివృద్ధి కూడా బాగా ఉందన్నారు. తెలంగాణ సెంటిమెంట్ ఉందని, సెంటిమెంట్ వేరు రాజకీయం వేరన్నారు. అభివృద్ధికి విభజననే పరిష్కార మార్గం కాదన్నారు. ప్రత్యేక రాష్ట్రం గురించి కాకుండా అభివృద్ధి గురించి అడగాలని సూచించారు.

English summary

Sanjaya Baru was participated in a book release on Tuesday.