పిక్చర్స్: బరాక్ ఒబామా ప్రమాణం రోజు ఇలా

By Pratap

Published: Tuesday, January 22, 2013, 17:15 [IST]

వాషింగ్టన్: అమెరికా అధ్యక్షుడిగా బరాక్ ఒబామా రెండో సారి ప్రమాణ స్వీకారం చేసిన కార్యక్రమంలో తళుకులీనే చీరెలు, నెహ్రూ జాకెట్లు కనిపించాయి. ఈ ప్రతిష్టాత్మకమైన కార్యక్రమానికి పలువురు ఇండియన్ అమెరికన్లు ఆహూతుల జాబితాలో చోటు చేసుకున్నారు.

ఇండియన్ రాజకీయ పులి వచ్చేసిందని శ్వేతసౌధం సలహాదారు టాబీ చౌదరి అన్నారు. ఈ ప్రముఖ రాజకీయ వ్యూహకర్త తన భార్య రూబీతో కలిసి నృత్యం చేశాడు. ఆయనతో పాటు మరి కొంత మంది ప్రముఖ ఇండియన్ అమెరికన్లు ఈ కార్యక్రమానికి విచ్చేశారు. ఇండియన్ అమెరికన్లు రాజకీయ, సామాజిక, పాలనా రంగాల్లో ప్రభావం చేసే రీతిలో ముందుకు వచ్చారు.

ఈ వేగాన్ని కాపాడుకోవడమే సవాల్ అని టోనీ చౌదరి పిటిఐ వార్తా సంస్థతో అన్నారు. సమాజంలోని భిన్న వర్గాల నుంచి ఒబామా తన పాలనా వ్యవస్థలోకి వ్యక్తులను తీసుకున్నారని శ్వేత సౌధం న్యాయ శాఖ సీనియర్ అధికారి అరుణ్ రావు అన్నారు. చీరెలో ముస్తాబైన తన భార్య పక్కన నించుని అరుణ్ రావు మాట్లాడారు.

ఈ కార్యక్రమానికి తనను ఆహ్వానించడం పట్ల ఇండియన్ అమెరికన్ ప్రముఖ చెఫ్ కెఎన్ వినోద్ అన్నారు. గత నాలుగేళ్ల కాలంలో ఆర్థిక వ్యవస్థ దిగజారిందని, ఇక పుంజుకుంటుందని ఆశిస్తున్నానని ఆయన అన్నారు. ఒబామా ఇండియా వంటకాలను ఇష్టపడతారని చెప్పారు.

చీఫ్ జస్టిస్ జాన్ రాబర్ట్స్ చేతుల మీదుగా ప్రమాణం చేయడానికి సిద్ధపడుతూ సోమవారం అమెరికా అధ్యక్షుడు బరాక్ ఒబామా. పక్కనే ఒబామా సతీమణి మిచెల్లీ బైబిల్ చేతబట్టి...

చీఫ్ జస్టిస్ జాన్ రాబర్ట్స్ చేతుల మీదుగా ప్రమాణం చేస్తున్న అమెరికా అధ్యక్షుడు బరాక్ ఒబామా. పక్కనే ఒబామా సతీమణి మిచెల్లీ బైబిల్ చేతబట్టి...

ప్రమాణ స్వీకారోత్స కార్యక్రమంలో బెనెడిక్షన్ వింటూ బరాక్ ఒబామా, ఉపాధ్యక్షుడు జ్యో బిడెన్.

అధ్యక్షుడు బరాక్ ఒబామాకు అభినందనలు తెలుపుతున్న విదేశాంగ మంత్రి హిల్లరీ క్లింటన్, మాజీ అధ్యక్షుడు బిల్ క్లింటన్.

బరాక్ ఒబామా ప్రమాణ స్వీకారోత్సవ కార్యక్రమంలో విదేశాంగ మంత్రి హిల్లరీ క్లింటన్, మాజీ అధ్యక్షుడు బిల్ క్లింటన్ అమెరికా మాజీ అధ్యక్షుడు జిమ్మీ కార్టర్‌తో ముచ్చటిస్తూ ఇలా...