సహకారానికి జగన్ పార్టీ దూరం!: స్థానిక 'ఆకర్ష్' కోసమే
వైయస్సార్ కాంగ్రెసు పార్టీ ఆవిర్భవించిన తర్వాత మొదటిసారి సహకార ఎన్నికలు జరుగుతున్నాయి. దీంతో పార్టీలో ఉత్సాహం నింపాలంటే ఎన్నికల్లో పోటీ చేయాలని అధినాయకత్వం తొలుత భావించింది. ఈ ఎన్నికలపై ప్రత్యేకంగా దృష్టి సారించింది. పార్టీలకతీతంగా ఈ ఎన్నికలు జరుగుతాయి. అయితే పేరుకే పార్టీలకతీతంగా అయినప్పటికీ ఆయా పార్టీలు తమ తమ మద్దతుదారులను బరిలోకి దింపి గెలిపించుకునే ప్రయత్నాలు చేస్తారు.
దీంతో తమ మద్దతుదారులను బరిలోకి దింపి క్షేత్ర స్థాయిలో బలమైన పునాది వేసుకోవటం ద్వారా పట్టు నిరూపించుకోవాలని జగన్ పార్టీ భావించింది. ఇందుకోసం కసరత్తు చేసింది. కానీ, ఈ ఎన్నికల్లో పాల్గొనటం వల్ల కలిగే ప్రయోజనాలు, నష్టాలను బేరీజు వేసుకున్న తర్వాత మరో అభిప్రాయంతో ఉన్నట్లుగా కనిపిస్తోంది. పార్టీలకతీతంగా జరిగే సహకార ఎన్నికల్లో పోటీ చేస్తే బలం పెంచుకోవడం కంటే ఇప్పుడిప్పుడే తమ పార్టీ వైపు మొగ్గు చూపుతున్న వారిని దూరం చేసుకోవడానికి దారి తీస్తుందని అభిప్రాయాన్ని ఎక్కువ మంది వ్యక్తం చేశారట.
పార్టీ గౌరవాధ్యక్షురాలు వైయస్ విజయమ్మ సహకార ఎన్నికల్లో పోటీ చేయడం లేదనే సంకేతాలు పార్టీ నేతలకు ఇప్పటికే ఇచ్చారట. సహకార ఎన్నికలకు దూరంగా ఉండాలని, అదే సమయంలో ఎవరైనా పార్టీ మద్దతుదారులు పోటీ చేసి ఏకగ్రీవంగా గెలిచే పరిస్థితి ఉంటే అభ్యంతరం పెట్టవద్దని పార్టీ నాయకత్వం నిర్ణయించిందట.
Click it and Unblock the Notifications
Sign in with Google