షాకిచ్చిన విప్ నాని: కష్టకాలంలో..జగన్ పార్టీలోకి జంప్
తాను ప్రభుత్వ విప్ పదవికి రాజీనామా చేస్తున్నట్లు ప్రకటించారు. కేంద్ర ప్రభుత్వం, తెలుగుదేశం పార్టీలు కుమ్మక్కై వైయస్ జగన్ను ఇబ్బందులకు గురి చేస్తున్నాయని ఆరోపించారు. తాను కష్టకాలంలో వైయస్ రాజశేఖర రెడ్డి కుటుంబానికి అండగా ఉండాలని నిర్ణయించుకున్నానని తెలిపారు.
తన నియోజకవర్గ ప్రజల అభిప్రాయం మేరకే తాను జగన్ పార్టీలో చేరాలనే నిర్ణయానికి వచ్చానని చెప్పారు. తాను త్వరలో వైయస్సార్ కాంగ్రెసు పార్టీలో చేరుతానని చెప్పారు. ఎప్పుడు చేరుతాననే విషయాన్ని తర్వాత ప్రకటిస్తానని చెప్పారు. జగన్ను ఉద్దేశ్య పూర్వకంగా కాంగ్రెసు పార్టీ ఇబ్బందులకు గురి చేస్తోందని ఆయన మండిపడ్డారు. బందరు పోర్టు కోసం పేర్ని నాని 2004, 2009 ఎన్నికల్లో మచిలీపట్నం నుంచి ఎమ్మెల్యేగా గెలుపొందారు.
జగన్కు బెయిల్ తిరస్కరించడం దురదృష్టకరం
జగన్కు బెయిల్ తిరస్కరించడం దురదృష్టకరమని వైయస్సార్ కాంగ్రెసు పార్టీ అధికార ప్రతినిధి వాసిరెడ్డి పద్మ గురువారం వేరుగా అన్నారు. రాష్ట్ర ప్రభుత్వం సహకరించకపోతే అక్రమాలు జరిగినట్లు ఎలా నిర్ధారిస్తారని ఆమె ప్రశ్నించారు. ఏ ఆధారాలతో జగన్ను అరెస్టు చేశారో చెప్పాలన్నారు. ప్రభుత్వం సహకరించకపోతే ముఖ్యమంత్రిని, సిఎస్ను అరెస్టు చేయాలని డిమాండ్ చేశారు.
Click it and Unblock the Notifications
Sign in with Google