• search

త్వరగా తేల్చాలి లేదా..: తెలంగాణపై సోనియా ఆలోచన

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Sonia Gandhi
    న్యూఢిల్లీ: కేంద్రమంత్రి, పార్టీ రాష్ట్ర వ్యవహారాల ఇంచార్జ్ గులాం నబీ ఆజాద్ చేసిన వ్యాఖ్యలపై తెలంగాణలో తీవ్రస్థాయిలో విమర్శలు వచ్చాయి. తెలంగాణవాదులు రోడ్డెక్కారు. అటు సీమాంధ్రలోనూ సమైక్య ఉద్యమం రాజుకుంది. ఏం చేయాలో తేల్చుకోలేని అధిష్ఠానం... ఏదో ఒకటి మాత్రం చేయక తప్పదని తెలుసుకుంది.

    నిర్ణయం ప్రకటించడానికి కొంత వెసులుబాటు తీసుకున్నప్పటికీ సాధ్యమైనంత త్వరలోనే విషయం తేల్చేయాలని భావిస్తోంది. ఒకవేళ ఇప్పట్లో నిర్ణయం తీసుకునే పరిస్థితులు లేకపోతే ఆ విషయాన్నే స్పష్టం చేయాలని నిర్ణయం తీసుకుంటే మాత్రం ఇక ఏమాత్రం ఆలస్యం చేయకుండా ప్రకటన చేయాలని పార్టీ పెద్దలు భావిస్తున్నారు. ముసుగులో గుద్దులాటలు వద్దని పార్టీ అధ్యక్షురాలు స్పష్టం చేశారట.

    సోనియా రాజకీయ సలహాదారు అహ్మద్ పటేల్, మంత్రులు షిండే, చిదంబరం, ఆంటోనీ, పార్టీ రాష్ట్ర వ్యవహారాల ఇన్‌చార్జి గులాంనబీ ఆజాద్, పార్టీ ప్రధాన కార్యదర్శి దిగ్విజయ్ సింగ్, పార్టీ పరిశీలకుడు వయలార్ రవిలతో సోనియా గురువారంసమావేశమయ్యారు. ఆ తర్వాత రాహుల్ గాంధీతో కూడా సమావేశమయ్యారు. తదుపరి చర్యలపై నేతల మధ్య రకరకాల అభిప్రాయాలు వ్యక్తం అయ్యాయని తెలిసింది.

    ఫిబ్రవరి మూడో వారంలో జరిగే బడ్జెట్ సమావేశాలలోపు నిర్ణయం తీసుకోవాలని కొందరు, ఆ తర్వాత తీసుకోవచ్చని మరికొందరు నేతలు సూచించినట్లు తెలిసింది. సోనియా మాత్రం మరీ దీర్ఘకాలం ఈ సమస్యను నాన్చడం వల్ల తప్పుడు సంకేతాలు వెళతాయని, ప్రజల మధ్య వైమనస్యాలు తలెత్తుతాయని పేర్కొన్నట్లు తెలిసింది. నిర్ణయం ప్రకటించేముందు రాష్ట్రంలో రాజకీయ మార్పులు చేపట్టాలా లేదా అన్న విషయంపై కూడా తర్జన భర్జనలు జరిగినట్లు తెలిసింది.

    తెలంగాణ సమస్యకు గూర్ఖాలాండ్ తరహాలో ప్రాదేశిక మండలి గానీ, చండీగఢ్ తరహాలో ఉమ్మడి రాజధాని ఫార్ములాగానీ పని చేయవని కాంగ్రెస్ నాయకత్వం భావిస్తున్నట్లు వార్తలు వస్తున్నాయి. హైదరాబాద్‌తో కూడిన తెలంగాణ ఇవ్వడమా... లేక తెలంగాణకు ప్రాంతీయ కమిటీ ఏర్పాటు చేసి రాష్ట్రాన్ని సమైక్యంగా ఉంచడమా? ఈ రెండు అంశాలపైనే కసరత్తు చేస్తున్నట్లు పేర్కొంది.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    AICC president Sonia Gandhi is concentrating on Telangana issue. It is said that she is thinking to solve this issue as soon as possible.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more