ఒబామాకి ఫోన్ చేస్తా!: అధ్యక్షుడి బాబాయ్‌కి నోటీసులు

వాషింగ్టన్: అమెరికా అధ్యక్షుడు బరాక్ ఒబామా బాబాయికి దేశం విడిచి వెళ్లాలని కోర్టు నోటీసులు జారీ చేసింది. దేశవ్యాప్తంగా ఉన్న కోటికి పైగా ప్రజలు అనధికారికంగా అమెరికాలో ఉంటున్నారని, వారిని అధికారికంగా గుర్తిస్తామని ఒబామా ఇటీవలే ప్రకటించారు. ఆయన ప్రకటన వెలువడిన రెండు మూడు రోజుల్లోనే అధికారులు స్వయంగా ఒబామా బాబాయికి దేశం విడిచి వెళ్లిపోవాలని నోటీసులు జారీ చేయడం విశేషం.

ఒబామా బాబాయ్ ఓన్యాంగ్ ఒబామా 1963లో తన పదిహేడేళ్ల వయస్సులో విద్యాభ్యాసం కోసం కెన్యా నుండి అమెరికాకు వచ్చాడు. ఆయన 1970లో అమెరికాను విడిచి వెళ్లవలసి ఉంది. కానీ ఆయన అక్కడే ఉంటూ వ్యాపారాలు చేసుకుంటున్నాడు. 1992లో మొదటిసారి కోర్టు ఆయనకు దేశం విడిచి వెళ్లిపోవాలని నోటీసులు జారీ చేసింది. అయితే ఆయన మాత్రం మసాచ్యూసేట్స్‌లో ఉంటూ వ్యాపారం చేసుకుంటున్నాడు.

ఈ 21 ఏళ్లు ఆయన ఎవరికీ కనిపించకుండా తన పని తాను చేసుకుపోయాడు. అయితే 2011లో మద్యం తాగి వాహనం నడుపుతున్న కేసులో పోలీసులు అరెస్టు చేశారు. దీంతో ఆయన అనధికారంగా అమెరికాలో ఉంటున్నట్లు గుర్తించారు. గురువారం ఆయనను కోర్టులో హాజరు పర్చారు. 50 ఏళ్లుగా తాను అమెరికాలో నివసిస్తున్నానని తనకి అమెరికా పౌరసౌత్వం ఇవ్వాలని ఆయన కోర్టును కోరారు.

అయితే ఒబామా ప్రకటన తర్వాత ఆయనకు నోటీసులు రావడం చర్చనీయాంశమైంది. ఆ తర్వాత ఆయన విడుదలయ్యారు. ఈ సందర్భంగా మీడియా ప్రతినిధులు ఏం చేస్తారని అడిగితే.. శ్వేత సౌధానికి ఫోన్ చేస్తానని చెప్పారు.

English summary

Mr Onyango Obama, 68, is the half brother of the president's late father. He has lived in the US illegally since arriving from Kenya as a teenager for school. The date of the hearings was announced on Wednesday. When he was arrested he told police he would call the white house.