• search

గాలి తరలింపుపై చేతులెత్తేసిన కర్ణాటక పోలీసులు

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Gali Janardhan Reddy
    బళ్లారి/హైదరాబాద్: కర్ణాటక మాజీ మంత్రి గాలి జనార్దన్ రెడ్డిని బళ్లారికి తరలించే విషయంలో కర్ణాటక పోలీసులు చేతులెత్తేశారు. తాము గాలి జనార్దన్ రెడ్డికి భద్రత కల్పించలేమంటూ చెప్పేశారు. హైదరాబాదులోని చంచల్‌గూడ జైలులో ఉన్న గాలి జనార్దన్‌రెడ్డిపై 2005 లో పరువు నష్టం కేసు ఒకటి దాఖలైంది.

    తన పరువు, ప్రతిష్ఠలకు భంగం కలిగించే రీతిలో ఆయన వ్యాఖ్యలు చేశారంటూ మాజీ మంత్రి, కాంగ్రెస్ నేత ముండ్లూరు దివాకర్‌బాబు ఫిర్యాదు చేశారు. ఈ కేసు విచారణ బళ్లారి కోర్టులో సాగుతోంది. గాలి జనార్దన్ రెడ్డిని తమ ముందు హాజరుపర్చాలంటూ జడ్జి గత నెల 18న వారెంట్ జారీ చేశారు. ఆ మేరకు గాలిని గురువారం బళ్లారికి తరలించాల్సి ఉంది. అయితే ఆయనకు తీసుకొస్తే తాము భద్రత కల్పించలేమని పోలీసులు తేల్చి చెప్పారు. దీంతో గాలిపై వారెంట్‌ను జడ్జి వెనక్కి తీసుకొన్నారు.

    ఇదిలావుంటే, ఓబుళాపురం గనుల లీజు పొందిన గాలి జనార్దన్‌రెడ్డి, ఆయన సన్నిహితుడు బివి శ్రీనివాసరెడ్డి ఎక్కడెక్కడో ముడి ఇనుమును తవ్వి ఎగుమతి చేశారని, అలా వచ్చిన డబ్బును విదేశాల్లో పెట్టుబడులు పెట్టినట్లు తమ దర్యాప్తులో తేలిందని సిబిఐ మరోమారు కోర్టుకు చెప్పింది. బెయిల్ కోరుతూ ఓఎంసీ కేసులో నిందితుడైన ఆ సంస్థ డైరెక్టరు బివి శ్రీనివాసరెడ్డి దాఖలు చేసుకున్న పిటిషన్‌పై సిబిఐ డిప్యూటీ లీగల్ అడ్వైజర్ బళ్లా రవీంద్రనాథ్ నాంపల్లి కోర్టులో వాదనలు వినిపించారు.

    అక్రమంగా ఆర్జించిన డబ్బు ఎక్కడికి చేరిందో వెలికితీయాల్సి ఉందని చెబుతూ ఈ దశలో నిందితుడికి బెయిల్ ఇవ్వవద్దని విన్నవించారు. ఓఎంసీ ద్వారా జరిగిన అక్రమాల్లో బీవీ పాత్ర ఉన్నట్లు ఆధారాలున్నాయంటూ ఓ సీల్డు కవర్‌ను సిబిఐ కోర్టుకు సమర్పించారు. దీనిపై డిఫెన్స్ న్యాయవాది సురేంద్రరావు తీవ్ర అభ్యంతరం చెప్పారు. బీవీకి బెయిల్ ఇవ్వాల్సిందిగా కోర్టుకు విన్నవించారు. వాదనలు విన్న కోర్టు తీర్పును 12వ తేదీకి వాయిదా వేసింది.

    English summary
    
 Karnataka police said to the Bellary court that they are not in a position to provide security to former minister Gali Janardhan Reddy to present before the Bellary court.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more