• search
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కుంభమేళాలో తొక్కిసలాట: 36 మంది భక్తుల మృతి

By Pratap
|

అలహాబాద్: అత్యంత పవిత్ర దినంగా భావించే మౌని అమావాస్య సందర్భంగా ఆదివారం విషాదం చోటు చేసుకుంది. పుణ్యస్నానాల కోసం తండోపతండాలుగా అలహాబాద్‌లో భక్తులు వెల్లువెత్తారు. దాదాపు మూడు కోట్ల మంది పుణ్యస్నానాలు ఆచరించినట్లు ఓ అంచనా. ఆ సందర్భంగా అలహాబాద్ రైల్వే స్టేషన్‌లో జరిగిన తొక్కిసలాటలో 36 మంది భక్తులు మరణించారు. దాదాపు 30 మంది గాయపడ్డారు.

Stampede

ఓవర్‌బ్రిడ్జికి ఉండే రెయిలింగ్ విరిగిపోవడంతో ఆరో నెంబరు ప్లాట్‌ఫారంపై ఈ తొక్కిసలాట జరిగింది. బాధితులను వెంటనే సమీపంలోని ఆస్పత్రులకు తరలించారు. అంతకుముందు సెక్టార్12లో సాయంత్రం జరిగిన తొక్కిసలాటలో ఇద్దరు భక్తులు మరణించారు. వీరిలో ఒకరు వారణాసికి చెందిన భక్తురాలు కాగా, మరొకరు పశ్చిమబెంగాల్‌కు చెందిన మధ్య వయస్కుడు. రాత్రి ఏడు గంటలకు 5, 6 నెంబరు ప్లాట్‌ఫారాలపై ఈ దుర్ఘటన జరిగే సమయానికి వేలాది మంది ప్రయాణికులతో ఆ ప్రాంతం కిక్కిరిసిపోయింది. ఆరో నెంబరు ప్లాట్‌ఫారంపైకి రైలు వస్తున్నట్లు ప్రకటన రావడంతో ఒకేసారి వందలాది మంది ఫుట్ ఓవర్ బ్రిడ్జిపైకి ఎక్కారని, అప్పుడే రెయిలింగ్ విరిగిపడిందని అంటున్నారు. కానీ, అలాంటిదేమీ జరగలేదని రైల్వే మంత్రి పవన్ కుమార్ బన్సల్ చెప్పారు.

పెద్దయెత్తున గుమిగూడిన వారిని చెదరగొట్టడానికి పోలీసులు లాఠీచార్జి చేసినట్లు భక్తులు చెబుతుండగా, వారు కేవలం ప్రయాణికులను ఒక వరుసలో వెళ్లాల్సిందిగా నియంత్రించారు తప్ప లాఠీలు ఝళిపించలేదని డివిజనల్ రైల్వే మేనేజర్ హరీందర్‌రావు అన్నారు. సంఘటన జరిగే సమయానికి ఒకే చోట 4వేల మంది భక్తులున్నారు. మౌని అమావాస్య సందర్భంగా భక్తులు శనివారం సాయంత్రం నుంచే అలహాబాద్‌కు వెల్లువెత్తారు. మధ్యాహ్నం 3 గంటల వరకు 3 కోట్ల మంది స్నానాలు చేశారని కుంభమేళా అధికారి మణిప్రసాద్‌మిశ్రా తెలిపారు.

అలహాబాద్ రైల్వేస్టేషన్‌లో తొక్కిసలాట జరిగి పలువురు భక్తులు మరణించడం పట్ల ప్రధాని మన్మోహన్ సింగ్ సంతాపం తెలిపారు. మృతులు, క్షతగాత్రుల కుటుంబ సభ్యులకు ఆర్థిక సాయం అందిస్తామని హామీ ఇచ్చారు. ఉపరాష్ట్రపతి అన్సారీ కూడా భక్తుల మృతిపట్ల సంతాపం తెలిపారు. మరోవైపు ఈ సంఘటన పట్ల తీవ్ర దిగ్భ్రాంతిని వ్యక్తం చేసిన తెలుగుదేశం అధినేత చంద్రబాబు, మృతుల కుటుంబ సభ్యులకు సానుభూతిని తెలియజేశారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

lok-sabha-home

English summary
Allahabad: 36 killed in railway station stampede

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more