దాసరి నోట తెలంగాణ మాట: హీరోలు రావాలని వ్యాఖ్య

హైదరాబాద్: దర్శకరత్న దాసరి నారాయణ తెలంగాణపై స్పందించారు. తెలంగాణ వారు తెలుగు ఇండస్ట్రీలో భాగమని ఆయన శుక్రవారం అన్నారు. రావి నారాయణ రెడ్డి ఆడిటోరియంలో లవ్ టచ్ సినిమా ఆడియో విడుదల కార్యక్రమం జరిగింది. ఈ కార్యక్రమంలో దాసరి, ఉప ముఖ్యమంత్రి దాసరి నారాయణ రావు తదితరులు పాల్గొన్నారు. ఈ సందర్భంగా దాసరి తెలంగాణ-టాలీవుడ్ అంశంపై వ్యాఖ్యలు చేశారు.

నాగేశ్వర రావు, కాంతారావు, ప్రభాకర్ రెడ్డి, త్యాగరాజు వంటి ఆణిముత్యాలు తెలంగాణ నుండి వచ్చారన్నారు. హీరో శ్రీహరి కూడా ఇక్కడి నుండే వచ్చాడన్నారు. తెలంగాణ జిల్లాల నుండి హీరోలు రావాలని ఆయన ఆకాంక్షించారు. కరీంనగర్, మెదక్, వరంగల్.. ఇలా అన్ని తెలంగాణ జిల్లాల నుండి కథానాయకులు వస్తే బాగుంటుందని ఆయన అభిప్రాయపడ్డారు. ప్రస్తుతం సినీ కుటుంబాల నుంచే హీరోలు వస్తున్నారన్నారు. అలా రావడం తప్పని తాను భావించడం లేదన్నారు.

ప్రస్తుత పరిస్థితుల్లో సినీ పరిశ్రలోకి వచ్చి ఉంటే జీవితంలో డైరెక్టర్‌ని అయ్యే వాడిని కాదన్నారు. సినిమాకి రూ.50-60 కోట్లుపెడుతున్నారని, పెద్ద సినిమా తప్ప వేరేది విడుదలయ్యే పరిస్థితి లేదని ఆవేదన వ్యక్తం చేశారు. చిన్న సినిమాలకు థియేటర్లు దొరకవన్నారు. ఇప్పటి పరిస్థితులు చూస్తే కొత్త హీరోలు, ఆర్టిస్టులు రాగలరా? అనిపిస్తోందని, కుటుంబాల నుండి హీరోలు వస్తున్నారని, కొత్త వాళ్లకి ఎక్కడ ఛాన్స్ ఉండట్లేదని అభిప్రాయపడ్డారు.

అవకాశాలన్నీ ఆ కుటుంబాలకే వెళ్లిపోతున్నాయని, అది తాను తప్పనడం లేదని, వారూ కష్టపడుతున్నారని, పేరు బలం ఓ సినిమాకి మాత్రమే పనికొస్తుందన్నారు. ఆ తర్వాత వారి టాలెంట్ మీదే పైకి వస్తారని చెప్పారు. తెలంగాణ నుండి నితిన్ హీరోగా ఉన్నాడని చెప్పారు.

English summary

Dasarai talks on telangana