హైదరాబాదులో బాంబు పేలుళ్ల ఘటనలు ఇవీ
2007లో రెండు ప్రాంతాల్లో బాంబు పేలుళ్లు సంభవించాయి. ముందుగా మక్కా మసీదులో మొదట బాంబులు పేలాయి. ఆ తర్వాత కొద్ది కాలానికే కోఠిలోని గోకుల్ చాట్, సచివాలయానికి ఎదురుగా ఉన్న లుంబినీ పార్కులో పేలుళ్లు సంభవించాయి. గోకుల్ చాట్, లుంబినీ పార్కు ఘటనలతో హైదరాబాదు వణికిపోయింది.
- 1997 నవంబర్ 20వ తేదీన జూబ్లీహిల్స్లో తెలుగుదేశం పార్టీ నేత పరిటాల రవి లక్ష్యంగా పేలుళ్లు సంభవించాయి. ఈ ఘటనలో 23 మంది చనిపోయారు. 31 మంది గాయపడ్డారు. రాయలసీమ ఫాక్షన్ కక్షల నేపథ్యంలో ఈ పేలుడు సంభవించింది.
- 2002 నవంబర్ 21వ తేదీన దిల్షుక్నగర్లోని సాయిబాబ దేవాలయం వద్ద పేలుడు సంభవించింది. ఇందులో ఒక మహిళ మరణించింది. 22 మంది గాయపడ్డారు.
- 2004 నవంబర్ 1న సరూర్నగర్ దగ్గర పార్కు చేసిన ఇంజనీరింగ్ కళాశాల బస్సు కింద బాంబు పేలి ఇద్దరు గాయపడ్డారు.
- 2004 నవంబర్ 12న జామే ఉస్మానియా సమీపంలోని రైల్వే ట్రాక్ పక్కన బాంబు పేలుడు సంఘటన చోటు చేసుకుంది.
- 2005 ఏప్రిల్ 14న నెక్లెస్ రోడ్డు సమీపంలో రైల్వే ట్రాక్ పక్కన బాంబు పేలింది.
- 2005 అక్టోబర్ 12న బేగంపేటలోని టాస్క్ఫోర్స్ కార్యాలయంలో ఆత్మాహుతి బాంబు దాడి జరిగింది. ఒక హోంగార్డు మరణించగా, మరో కానిస్టేబుల్ గాయపడ్డాడు.
- 2006 మే 7వ తేదీన హైదరాబాదులోని ఓడియన్ థియేటర్లో బాంబు పేలుళ్లు సంభవించి ఓ యువతి సహా ముగ్గురు గాయపడ్డారు.
- 2006 మే 11వ తేదీన బంజారాహిల్స్ సమీపంలోని ఇందిరానగర్లోని ఓ ఇంట్లో చెత్త సామాగ్రి తొలగిస్తుండగా ఒక బాక్సులోని బాంబు పేలింది. మరో బాంబును పోలీసులు నిర్వీర్యం చేశారు.
- 2007 మే 1న మలక్పేటలో లెటర్ పార్శిల్ బాంబు పేలుడు జరిగింది. ఈ సంఘటనలో ఓ మహిళ గాయపడింది.
- 2007 మే 18న పాతబస్తీ మక్కా మసీదులో బాంబులు పేలి 14 మంది దుర్మరణం పాలయ్యారు. పోలీసులు మరో మూడు బాంబులను గుర్తించి నిర్వీర్యం చేశారు.
- 2007 ఆగస్టు 25వ తేదీన లుంబినీ పార్కు, కోఠీలోని గోకుల్ చాట్ల్లో సంభవించిన పేలుళ్లలో 42 మంది మరణించారు. దిల్షుక్ నగర్ ఫుటోవర్ బ్రిడ్జి కింద పోలీసులు ఓ బాంబును గుర్తించారు.
Click it and Unblock the Notifications
Sign in with Google