వివిఐపి హెలికాప్టర్ స్కామ్: త్యాగిని ప్రశ్నించిన సిబిఐ

న్యూఢిల్లీ: వివిఐపిల హెలికాప్టర్ కొనుగోలు కుంభకోణం కేసులో సిబిఐ అధికారులు బుధవారం మాజీ ఆర్మీ చీఫ్ ఎస్పీ త్యాగిని, ఆయన సమీప బంధువులను ప్రశ్నించారు. రూ. 3600 కోట్ల వివిఐపి హెలికాప్టర్ల కొనుగోలు ఒప్పందంలో డబ్బులు చేతులు మారాయనే ఆరోపణలపై సిబిఐ దర్యాప్తు చేస్తోంది.

త్యాగి బుధవారం సాయంత్రం 3 గంటలకు సిబిఐ కేంద్ర కార్యాలయానికి వచ్చారు. త్యాగిని సిబిఐ అధికారులు రెండు గంటల పాటు విచారించారు. ఆయన సమీప బంధువులు జాలీ, డోక్సాలపై సిబిఐ అధికారులు తొలుత ప్రశ్నల వర్షం కురిపించారు.

హెలికాప్టర్ల ఒప్పందం 2010లో జరిగింది. తాను ఏ విధమైన తప్పు కూడా చేయలేదని త్యాగి చెప్పారు. త్యాగి, ఆయన సమీప బంధువులు జాలీ, రాజీవ్, డోక్సాలకు ఈ ఒప్పందంతో సంబంధం ఉందని సిబిఐ ఆరోపిస్తోంది. ప్రాథమిక విచారణలో సాక్ష్యాధారాలు లభించాయని కూడా అంటోంది.

ఫిస్‌మెకానికా సిఇవో అరెస్టు సందర్భంలో ఇటలీ న్యాయవాదుల విచారణలో త్యాగి బంధువుల పేర్లు వెలుగులోకి వచ్చాయి. ఆగస్టా వెస్ట్‌ల్యాండ్‌కు చెందిన 12 వివిఐపి చాపర్ల కొనుగోలు చేసేందుకు గెరోసా, హెస్చ్కే లంచాలు ఇచ్చినట్లు ఇటలీ దర్యాప్తు ఆరోపిస్తోంది.

English summary

Former Air chief S P Tyagi and his cousins were today questioned by the CBI for several hours in connection with its ongoing probe into alleged kickbacks in the Rs 3600 crore VVIP helicopter deal.