• search

మీ లాగా తిట్టనంటూనే బిజెపిని కడిగేసిన మన్మోహన్

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    న్యూఢిల్లీ: 'మీలాగా నేను తిట్టను' అంటూనే బిజెపి ప్రధాని మన్మోహన్ సింగ్ కడిగి పారేశశారు. సున్నితమైన మాటలతోనే బిజెపిపై విమర్శలు కురిపించారు. వ్యంగ్య బాణాలతో విరుచుకుపడ్డారు. అక్కడక్కడా ఉర్దూ కవితలను ఉటంకిస్తూ తన ప్రసంగాన్ని సాగించారు. తాము తక్కువ తినలేదంటూ బిజెపి నాయకులు కూడా 'కవితలకు కవితలతోనే' సమాధానమిచ్చారు.

    రాష్ట్రపతి ప్రసంగానికి ధన్యవాదాలు తెలిపే తీర్మానంపై బుధవారం ప్రధాని లోక్‌సభలో మాట్లాడారు. ఇటీవల జరిగిన బీజేపీ జాతీయ కార్యవర్గ సమావేశంలో గుజరాత్ ముఖ్యమంత్రి నరేంద్ర మోడీ కాంగ్రెస్‌పై విరుచుకుపడటం, ప్రధానిని నైట్‌వాచ్‌మన్‌గా అభివర్ణించడం తెలిసిందే. దీనికి మన్మోహన్ ఘాటుగా బదులిచ్చారు. 'వారి నుంచి విశ్వాసం ఆశిస్తున్నాం. కానీ... వారికి విశ్వాసమంటే ఏమిటో తెలియదు' అంటూ బిజెపిపై ఘాటైన వ్యాఖ్య చేశారు.

    'కమలానికి పొగరు ఎక్కువ' అని విమర్శించారు. "నేను మీ తరహా భాషను ప్రయోగించను. నిజానికి... గర్జించే మేఘాలు వర్షించవు. బీజేపీ ఇలా తలబిరుసు ప్రదర్శించడం ఇదే మొదటిసారి కాదు. దీనిని వదులుకోకుంటే... ఎన్డీయేకు మళ్లీ ఓటమి తప్పదు'' అని ప్రధాని హెచ్చరించారు. 2009 ఎన్నికల ముందు తనను 'బలహీన ప్రధాని' అంటూ నిందించిన అద్వానీకి అదను చూసుకుని చురకలు అంటించారు. "2009లో ఉక్కు మనిషిని రంగంలోకి దించారు. ఏం జరిగిందో అందరికీ తెలుసు. 2004 ఎన్నికల సమయంలో భారత్ వెలిగిపోతోందంటూ ప్రచారం చేశారు. కానీ... వారే ఆరిపోయారు'' అని మన్మోహన్ ఎద్దేవా చేశారు. అద్వానీని ఉద్దేశించి ఉక్కు మనిషి అనే ప్రయోగం చేశారు. అద్వానీ నాయకత్వంలో బిజెపి రెండు సార్లు ఓడిపోయిందని ఆయన గుర్తు చేశారు.

    Manmohan Singh

    ఏ విధంగా చూసినా ఎన్డీయేకంటే తామే మెరుగైన పాలన అందించామని, అభివృద్ధి సాధించామని చెప్పేందుకు గణాంకాల చిట్టా విప్పారు. "యూపీఏ హయాంలోని తొమ్మిదేళ్లలో సగటున 7.9 శాతం వృద్ధి సాధించాం. ఎన్డీయే హయాంలో అది 6 శాతానికి మించలేదు. నిజానికి... యూపీఏ సాధించిన వృద్ధిని గతంలో ఏ ప్రభుత్వమూ సాధించలేదు. 12వ ప్రణాళిక కాలంలో 8% వృద్ధిరేటు సాధించాలన్నది మా లక్ష్యం'' అని ఉద్ఘాటించారు. అదే సమయంలో ద్రవ్యోల్బణం మన దేశానికి ఎప్పుడూ సమస్యగానే ఉందని ఆయన అంగీకరించారు. ఇతర దేశాలతో పోలిస్తే మన పరిస్థితి మెరుగ్గానే ఉన్నా కష్టాలు మాత్రం అలాగే ఉన్నాయని చెప్పారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    Prime Minister Manmohan Singh on Wednesday took on the principal opposition party BJP in the Lok Sabha. Singh accused the BJP of using "choicest abuses" against the UPA, the ruling alliance, but the latter could not use the same to retaliate.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more