హెలికాప్టర్‌లో సినీ స్టయిల్లో రేప్ నిందితుడి పరారీ

జమ్మూ: ఓ అత్యాచారం కేసులో నిందితుడు బాలీవుడ్ సినిమా తరహాలో ప్రభుత్వ హెలికాప్టర్‌లోనే పారిపోయిన సంఘటన జమ్మూ కాశ్మీర్ రాష్ట్రంలో జరిగింది. ఈ మేరకు జాతీయ మీడియాలో వార్తలు వచ్చాయి. సివిల్, పోలీసు అధికారులు చూస్తుండగా రాజౌరి పట్టణ నుమంచి గత శుక్రవారం పారిపోయాడు. అతన్ని మంజకోట్‌లోని తాండాపానికి చెందిన మొహ్మద్ పర్వేజ్‌గా గుర్తించారు. ఈ సంఘటనపై ముఖ్యమంత్రి ఒమర్ అబ్దుల్లా విచారణకు ఆదేశించినట్లు తెలుస్తోంది.

జమ్మూకు హెలికాప్టర్‌లో తరలించడానికి ముందు అతనికి 5వేల రూపాయల నష్టపరిహారం కూడా చెల్లించారు. మంజకోట్‌లోని కాకోరాలో శుక్రవారంనాడు పర్వేజ్ (25) ఓ మహిళపై అత్యాచారానికి పాల్పడినట్లు ఆరోపణలు వచ్చాయి. కాండిలోని మనూర్గాలలో జరిగిన రోడ్డు ప్రమాదంలో గాయపడినవారిని జమ్మూలోని ప్రభుత్వ వైద్య కళాశాల ఆస్పత్రికి తరలించడానికి జిల్లా అధికార యంత్రాంగం హెలికాప్టర్‌ను ఏర్పాటు చేసింది.

ప్రత్యేక చికిత్స కోసం జమ్మూకు తరలించడానికి ఏర్పాటు చేసిన హెలికాప్టర్‌లో అత్యాచారం కేసు నిందితుడు ఎక్కాడని, గాయపడినవారితో అతను ఎక్కాడని రాజౌరి - పూంచ్ రేంజ్ డిఐజి డానిష్ రాణా ఓ ప్రముఖ ఆంగ్ల దినపత్రికతో చెప్పాడు.

ఈ సంఘటనపై ఎఫ్ఐఆర్ నమోదు చేయనున్నారు. హెలికాప్టర్‌లో పారిపోవడానికి ఆస్పత్రి సిబ్బంది ఎవరైనా సహకరించారా అనే కోణంలో కూడా విచారణ సాగుతుందని అంటున్నారు. అయితే, చివరకు అత్యాచారం కేసు నిందితుడిని పోలీసులు పట్టుకోగలిగారు.

English summary

According to media reports - An alleged rape accused, in a true Bollywood film style, fled in a state helicopter in full view of the senior civil and police officers from Rajouri town on Friday last. Identifying him as Mohammad Pervez of Thanda Pani in Manjakote area, sources said that Chief Minister Omar Abdullah has ordered an inquiry into the matter.