• search
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

నువ్వెలా గెలుస్తావ్?: అక్బరుద్దీన్‌కు కిషన్ రెడ్డి సవాల్

By Srinivas
|
Kishan Reddy-Akbaruddin Owaisi
హైదరాబాద్: బిజెపి రాష్ట్ర అధ్యక్షుడు కిషన్ రెడ్డి మజ్లిస్ ఎమ్మెల్యే అక్బరుద్దీన్ ఒవైసీపై ఆదివారం విరుచుకుపడ్డారు. గుజరాత్ ముఖ్యమంత్రి నరేంద్ర మోడీని విమర్శించే స్థాయి ఆయనకు లేదన్నారు. దేశభక్తి గురించే మాట్లాడే నైతికహక్కు అక్బర్‌కు లేదని ఆగ్రహం వ్యక్తం చేశారు. మోడీ ప్రధాని ఎలా అవుతారో చూస్తా అంటున్నారని, అసలు ఆయనెలా గెలుస్తారో చూస్తానన్నారు. కసబ్‌కు అనుకూలంగా మాట్లాడిన నీవు దేశభక్తి గురించి మాట్లాడడం విడ్డూరంగా ఉందన్నారు.

హిందువులు, వారి పండుగలు, శ్రీరాముడి గురించి నీచంగా మాట్లాడి దేశ సమైక్యత, సమగ్రతను అగౌరవపర్చారంటూ అక్బర్‌పై నిప్పులు చెరిగారు. బిజెపిని గెలిపిద్దాం.. హైదరాబాద్‌ను రక్షించుకుందామనే నినాదంతో ఎన్నికలను ఎదుర్కొవాలని ఆ పార్టీ జాతీయ కార్యదర్శి డాక్టర్ లక్ష్మణ్ పిలుపునిచ్చారు. హైదరాబాద్‌లో మజ్లిస్ ఆగడాలు ఎక్కువయ్యాయని, దానిని ఎదుర్కొనే శక్తి బిజెపికే ఉందన్నారు.

బిజెపికి ఓట్లు వేస్తే దేశాన్ని గుజరాత్‌లా చేస్తామని భారతీయ జనతా పార్టీ సీనియర్ నేత వెంకయ్య నాయుడు ఆదివారం అన్నారు. యూపిఏ ప్రభుత్వం వెంటిలేటర్ మీద ఉందని, దాని పరిస్థితి ఈవాళో, రేపో అన్నట్లు ఉన్నందువల్ల 2013లోనే పార్లమెంటుకు ఎన్నికలు జరగడం తథ్యమని, ముందస్తుకు అందరూ సిద్ధం కావాలని సూచించారు. యూపిఏ పాలనతో ప్రజలు విసిగిపోయారన్నారు.

బిజెపి చేపట్టిన ప్రజా చైతన్య సదస్సును ఆదివారం హైదరాబాద్‌లోని కేశవ మోమోరియల్ స్కూల్ గ్రౌండ్‌లో ప్రారంభించారు. ఈ సందర్భంగా ఆయన మాట్లాడారు. ఈ ప్రభుత్వ హయాంలో అన్ని రకాల ధరలు పెరిగిపోయాయని, కరెంట్ కొరత, గ్యాస్ సిలిండర్ల కోతతో ప్రజలు ఇక్కట్ల పాలవుతున్నారని, ఆగ్రహంతో ఉన్న ప్రజలు ఈ ప్రభుత్వానికి గుణపాఠం చెప్పడానికి సిద్ధంగా ఉన్నారని పేర్కొన్నారు.

యూపిఏలో పార్టీలన్నీ దారులు వెతుక్కుంటున్నాయని, ఈ ప్రభుత్వం ఏ క్షణంలో కూలిపోతుందో తెలియని పరిస్థితి నెలకొందన్నారు. అక్టోబర్ నాటికి పార్లమెంట్ ఎన్నికలు జరగడం తథ్యమని ఆయన జోస్యం చెప్పారు. చంద్రబాబు, మాయవతి, ములాయం సింగ్ ఎవరికి వారే మూడో ప్రత్యామ్నాయం గురించి మాట్లాడుతున్నా, అదంతా మిథ్య అని తేల్చేశారు. గుజరాత్ తరహా అభివృద్ధిని ఈ దేశంలో తీసుకొస్తామని హామీ ఇచ్చారు. ఎపిలో సర్వేచేయిస్తే 62% నరేంద్ర మోడీ వైపు ఆకర్షితులవుతున్నట్లు తేలిందన్నారు. ఎన్డీయే అధికారంలోకి రాగానే తెలంగాణ ఇవ్వడం ఖాయమన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

హైదరాబాద్ యుద్ధ క్షేత్రం

English summary
BJP state president Kishan Reddy has challenged MIMLP Akbaruddin Owaisi on Sunday.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more