సెటప్ బాక్స్‌లు: హైదరాబాద్‌లో మ్యాడ్ రష్

హైదరాబాద్: సెటప్ బాక్సులు లేకపోతే ఏప్రిల్ 1వ తేదీ నుంచి హైదరాబాదు నగరంలోని వేలాది టెలివిజన్లు మూగబోతాయి. టెలివిజన్ కనెక్షన్లు తీసుకున్నవారిలో ఇప్పటి వరకు నగరంలో 30 శాతం మంది కూడా సెటప్ బాక్సులను ఏర్పాటు చేసుకోలేదు. ప్రధాన నగరాల్లో కేబుల్ టీవీ సర్వీసెస్‌ డిజిటైజేషన్‌ను కేంద్ర ప్రభుత్వం అనివార్యం చేసింది.

కేబుల్ టీవీల డిజిటైజేషన్‌కు మార్చి 31వ తేదీ గడువు విధించింది. ఈ రెండో దశ కేబుల్ టీవీ డిజైటేషన్‌‌ ప్రక్రియలో రాష్ట్రంలోని హైదరాబాదు, విశాఖపట్నం నగరాలున్నాయి. ప్రస్తుత పరిస్థితిని కేబుల్ టీవీ ఆపరేటర్లు తమకు అనుకూలంగా మార్చుకుంటున్నారు. సెటప్ బాక్సులు అమర్చడానికి 2 వేల రూపాయలు డిమాండ్ చేస్తున్నారు.

నిజానికి, సెటప్ బాక్సుల ఖరీదు 800 రూపాయలు మాత్రమే. గడువు వేగంగా దూసుకొస్తుండడంతో హైదరాబాదులో సెటప్ బాక్సుల కోసం విపరీతమైన డిమాండ్ పెరిగింది. వాటికి విపరీతమైన కొరత ఏర్పడింది. ఈ పరిస్థితిని కేబుల్ టీవీ ఆపరేటర్లు డబ్బులు చేసుకోవడానికి వాడుకుంటున్నారనే విమర్శలు వస్తున్నాయి.

బిఐఎస్ ప్రమాణాలతో కూడిన సెటప్ బాక్సులను ఏర్పాటు చేసుకోవాలని నియమాలున్నా నాణ్యత కొరవడిన బాక్సులు కూడా మార్కెట్లోకి వచ్చాయి.

English summary

elevision sets without set-top boxes in thousands of households in Hyderabad will go blank from April 1. However, not even 30 per cent of the households with cable TV connections have installed set-top boxes so far, while the March 31 deadline set by the Centre for mandatory digitisation of cable TV services in major cities is just a week away.