• search

శ్రీలక్ష్మి తనంత తాను నిలబడే స్థితిలో లేరు: వైద్యులు

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Srilaxmi
    హైదరాబాద్: ఓబుళాపురం మైనింగ్ కంపెనీ కేసులో నిందితురాలు, సీనియర్ ఐఏఎస్ అధికారి శ్రీలక్ష్మి ఆరోగ్య పరిస్థితిపై ఉస్మానియా వైద్యాధికారులు చంచల్‌గూడ జైలు అధికారులకు నివేదిక ఇచ్చారు. ఆమె ఆరోగ్య పరిస్థితి ఏమాత్రం బాగోలేదని, కనీసం తనంత తానుగా లేచి నిలబడే స్థితిలో కూడా ఆమె లేరని వైద్యుల పరిశీలనలో తేలినట్లు విశ్వసనీయ సమాచారం. ఆమె ఎడమ కాలు ఎముక జాయింట్ల వద్ద, వెన్ను ఆపరేషన్ జరిగిన చోట కండరాల నొప్పి తీవ్రంగా ఉందని వారు నిర్ధారణకు వచ్చినట్లు తెలిసింది.

    ఈనెల 20న నాంపల్లి సీబీఐ కోర్టు ఇచ్చిన ఆదేశాల మేరకు చంచల్‌గూడ్ జైలు అధికారులు సోమవారం, లేదా అంతకన్నా ముందే శ్రీలక్ష్మి ఆరోగ్య సమస్యలపై నివేదిక ఇవ్వాలి. కానీ, ఉస్మానియా వైద్యుల బోర్డు ఆమెకు తొలుత ఈనెల 30న అపాయింట్‌మెంట్ ఇచ్చింది. దాంతో జైలు అధికారులు కంగారుపడి కోర్టు 25 లోగా నివేదిక ఇవ్వాలని ఆదేశాలు ఇచ్చిందని, ఆలోగా అపాయింట్‌మెంట్ ఇవ్వాలని ఉస్మానియా వైద్యులను కోరారు. ఈ నేపథ్యంలో ఉస్మానియా వైద్యాధికారుల బోర్డు సోమవారమే నివేదిక ఇచ్చేందుకు ఏర్పాట్లు చేసింది.

    శ్రీలక్ష్మి ఆరోగ్య సమస్యలను ఆమె నుంచి అడిగి తెలుసుకోవడంతో పాటు సోమవారం ఉదయం నుంచి సాయంత్రం వరకు కొన్ని వైద్య పరీక్షలు చేసి, ఆమె నడవలేని స్థితిలో ఉన్నారని నిర్ధారించుకుని ఆ మేరకు నివేదిక సిద్ధం చేశారు. సాయంత్రం ఆ నివేదికను జైలు వర్గాలకు ఇచ్చారు. విధులు ముగించుకుని న్యాయమూర్తి సహా సిబ్బంది అంతా వెళ్లిపోతుండగా జైలు అధికారులు శ్రీలక్ష్మి ఆరోగ్య స్థితిపై నివేదికను కోర్టుకు అందజేశారు. దానిని కోర్టు స్వీకరించింది.

    ఆ నివేదిక ఆధారంగా కోర్టు మంగళవారం తగు ఆదేశాలు ఇచ్చే అవకాశం ఉంది. జైల్లో కూడా శ్రీలక్ష్మి అనారోగ్యంతో బాగా ఇబ్బంది పడుతున్నట్లు తెలిసింది. అడుగు ముందుకు వేయాలన్నా తోటి ఖైదీల సాయం తీసుకుంటున్నట్లు సమాచారం. బాత్రూంకు వెళ్లాలంటే ముగ్గురు ఖైదీల ఆసరాతో వీల్‌చైర్‌లో వెళ్తున్నట్లు తెలిసింది.

    English summary
    
 According to Osmania general hospital doctors - Srilakshmi, accused in Gali Janaradhan Reddy's OMC mining case, is not a position to stand up on her own effort.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more