అలక వీడిన కడియం: టిడిపిని వీడనని ప్రకటన
తెలుగుదేశం పార్టీ పైన, పార్టీ అధ్యక్షుడు నారా చంద్రబాబు నాయుడు పైన అలక వహించిన మాజీ మంత్రి, వరంగల్ జిల్లా సీనియర్ నేత కడియం శ్రీహరి బుజ్జగింపు బాధ్యత జిల్లాకు చెందిన మరో సీనియర్ నేత, టిటిడిపి ఫోరం కన్వీనర్ ఎర్రబెల్లి దయాకర రావు తీసుకున్నారు. అలకబూనిన కడియంను బుజ్జగించాలని ఎర్రబెల్లికి చంద్రబాబు సూచించినట్లుగా సమాచారం. ఆ బాధ్యతను ఎర్రబెల్లి పైనే వేస్తున్నట్లుగా చెప్పారు.
దీంతో రంగంలోకి దిగిన ఎర్రబెల్లి సహచర నేతను బుజ్జగించే ప్రయత్నాలు ప్రారంభించారు. ప్రస్తుత పరిస్థితుల్లో అందరం కలిసికట్టుగా పని చేయాల్సిన అవసరం ఉందని కడియంకు ఎర్రబెల్లి నచ్చజెప్పినట్లుగా తెలుస్తోంది. ఎర్రబెల్లి దయాకర్ రావు ప్రయత్నాలు ఫలించాయి.
పార్టీకి చెందిన సీనియర్ నేత మోత్కుపల్లి నర్సింహులుతో వచ్చిన విభేదాల కారణంగా కడియం కొద్ది రోజులుగా అసంతృప్తితో ఉంటున్న విషయం తెలిసిందే. రెండు రోజుల క్రితం విశాఖపట్నంలో జరిగిన చంద్రబాబు వస్తున్నా మీకోసం పాదయాత్ర ముగింపు సభలో కూడా కడియం శ్రీహరి పాల్గొనలేదు. దీంతో ఎర్రబెల్లిని రంగంలోకి దించారు.
Click it and Unblock the Notifications
Sign in with Google