ఐదేళ్ల బాలుడి కాల్పులు: రెండేళ్ల చిన్నారి చెల్లె మృతి
స్టీఫెనీ ఐదేళ్ల కుమారుడు క్రిస్టియన్ చేతిలోని రైఫిల్ పేలి ఆమె కూతురు కరోలిన్ ఛాతిలో గుండు దూసుకెళ్లింది. దాంతో ఆ అమ్మాయి అసువులు బాసింది. క్రిస్టియన్ రైఫిల్ను మొబైల్ హోమ్లోని ఓ మూలలో పెట్టారు. దాంట్లో బుల్లెట్లు ఉన్న విషయాన్ని గమనించలేదు.
కెంటుకిలో తరాల నుంచి తరాలకు అందుతాయని, చిన్న వయస్సు నుంచే అక్కడ గన్లతో పరిచయం ఏర్పడుతుందని, వేటకు తదితరాలకు వాడుతారని కుంబర్లాండ్ కౌంటీ కరోనర్ గారీ వైట్ చెప్పారు. పిల్లల కోసం గన్లు తయారు చేసే కంపెనీ దాన్ని తయారు చేసిందని వైట్ చెప్పారు.
గన్లు కలిగి ఉండడమనేది కెంటుకీకి మాత్రమే పరిమితం కాదని, అమెరికా గ్రామీణ ప్రాంతాలంతటా విస్తరించి ఉందని, వేటకు, షూటింగ్కు, స్పోర్ట్ ఫిషింగ్లకు వాటిని వాడుతారని అన్నారు. గన్లుండని ఇళ్లు అంటూ ఉండదని అంటున్నారు. వివిధ జంతువులను చంపి వాటిని గర్వంగా ప్రదర్శించే చిత్రాలను కుంబర్లాండ్ కౌంటీలో వార్తాపత్రికలు ప్రచురిస్తుంటాయని చెప్పారు.