శ్రీనివాసన్ ఫిక్స్: అజయ్ షిర్కే, జగదలే రాజీనామా
నైతిక బాధ్యత వహించి శ్రీనివాసన్ రాజీనామా చేయాలని షిర్కే బుధవారంనాడు డిమాండ్ చేశారు. శ్రీనివాసన్ను తప్పించడానికే అన్నట్లుగా జూన్ 8వ తేదీన బిసిసిఐ అత్యవసర సమావేశం జరుగుతోంది. ప్రత్యేక సర్వసభ్య సమావేశంలో ప్రతి ఒక్కరూ తమ అభిప్రాయం చెప్పవచ్చునని బిసిసిఐ సంయుక్త కార్యదర్శి అనురాగ్ ఠాకూర్ అన్నారు. అనురాగ్ ఠాకూర్ నేతృత్వంలోని బిసిసిఐ అధికారులు కొందరు అత్యవసర సమావేశం ఏర్పాటుకు డిమాండ్ చేశారు.
అత్యవసర సమావేశం ఏర్పాటు చేయడం శ్రీనివాసన్కు ఇష్టం లేదని అంటున్నారు. అయితే, సమావేశం ఏర్పాటు తప్పనిసరిగా మారేట్లు ఉంది. శ్రీనివాసన్ రాజీనామా చేయకపోతే రాజీనామాలు చేస్తామని షిర్కే, సంజయ్ జగదలే ఇదివరకే హెచ్చరించారు.
బిజెపి పార్లమెంటు సభ్యుడు, హిమాచల్ ప్రదేశ్కు చెందిన ఠాగూర్ - ఇది నెంబర్ గేమ్కు సంబంధించిన విషయం కాదని, గందరగోళం తొలగిపోవాలని ప్రతి ఒక్కరు కూడా కోరుకుంటున్నారని అన్నారు. బిసిసిఐ స్వచ్ఛంగా నడవాలని కోరుకుంటున్నామని, అందుకే సమావేశాన్ని ఏర్పాటు చేయాలని అనుకుంటున్నామని ఆయన అన్నారు. అయితే, తాను ఏ విధమైన తప్పు చేయలేదని, తాను రాజీనామా చేయబోనని శ్రీనివాసన్ ఇప్పటికీ అంటున్నారు. కానీ, పరిస్థితులు మాత్రం ఆయనకు స్వస్తి చెప్పే దిశగా సాగుతున్నట్లు కనిపిస్తున్నాయి.
Click it and Unblock the Notifications
Sign in with Google