భలే ప్రేమికుడు: అతనికి 14 మందితో 22 మంది పిల్లలు

వాషింగట్టన్: ఓర్లాండో షా (33) అనే వ్యక్తి 14 మంది మహిళలతో 22 మంది పిల్లలను కన్నాడు. దీంతో అమెరికాలోని టెన్నిసీలో చైల్డ్ సపోర్ట్ అధికారులు కోర్టుకు ఎక్కారు. అయితే, వారు కోర్టుకు ఎక్కింది అతను అంత మందితో సంబంధం పెట్టుకోవడంపై గానీ, అంత మంది పిల్లలను కనడంపై గానీ కాదు. ఆ పిల్లలను పోషించడానికి అయ్యే ఖర్చు భరించడంపై వారు కోర్టుకు ఎక్కారు.

అతను ఇప్పటికి 14 మంది మహిళలతో సంబంధం పెట్టుకుని కన్న 22 మంది పిల్లలను పోషించడానికి నెలకు 7 వేల డాలర్ల దాకా ఖర్చుపెట్టాల్సి వస్తోంది. ఈ బాధ పడలేక 'చైల్డ్ సపోర్ట్ సర్వీసెస్' అధికారులు ఓర్లాండో బిడ్డలకు జన్మనిచ్చిన తల్లుల తరఫున పోషణ కోరుతూ నాష్‌విల్లే కోర్టును ఆశ్రయించారు.

ఈ పిల్లలందరినీ పోషించాలంటే ఓర్లాండో కనీసం నాలుగు ఫుల్ టైమ్ ఉద్యోగాలు చేయాల్సి ఉంటుందని మెజిస్ట్రేట్ స్కాట్ రోసెన్‌బర్గ్ ఆశ్చర్యం వ్యక్తం చేశారు. కేసు విచారణ పూర్తయితే ఓర్లాండోకు జైలు శిక్ష పడే అవకాశం ఉంది. అయితే అతనికి జైలు శిక్ష అసలు కొత్తే కాదు. అతడికి చాలా పెద్ద క్రైం రికార్డే ఉంది.

ఈ కేసు సంగతి ఎలా ఉన్నా ఓర్లాండో మాత్రం కోర్టు హాల్ నుంచి బయటికొచ్చి - "నేను యువకుణ్ని, ఒక లక్ష్యం కలవాణ్ని. నేను మహిళల్ని ప్రేమిస్తాను'' అంటూ ఓ టీవీ చానెల్‌కి ఇంటర్వ్యూ ఇచ్చాడు. అమ్మాయిల లెక్క తనకు గుర్తు లేదని.. 18 మందితో 17 మందిని కని ఉంటానని, అయినా పిల్లల లెక్కతో తనకు సంబంధం లేదని, తన పిల్లలందరినీ ప్రేమిస్తానని, వాళ్లంతా తన 'షా' ఇంటిపేరును తరాల తరబడి నిలబెడతారని పరమానందంగా చెప్పాడు.

తనకు 50 మంది పిల్లలను కనాలని ఉందని, ఇప్పటికే పుట్టినవారి పోషణ కేసుల్ని భరించలేక ఇక వేసెక్టమీ చేయించుకోవాలనుకుంటున్నానని చెప్పి చైల్డ్ సపోర్ట్ అధికారులకు చెప్పాడు. తన క్రిమినల్ రికార్డు వల్ల తనకు ఉపాధి లభించడం లేదని, ఉద్యోగం కోసం ప్రతీ ప్రయత్నం చేస్తున్నానని అంటూ అతం రికార్డు వల్ల తనకు ఎక్కడు ఉద్యోగం లభిస్తుందని అడిగాడు.

English summary

Orlando Shaw, a self-professed “ladies man” who admits to fathering nearly two-dozen children, is being sued for unpaid child support.The 33-year-old Nashville man has 22 kids by 14 different women.