కాటేయబోయాడని మామ చేతులు నరికారు

పాట్నా: ఇద్దరు కోడళ్లు తమపై లైంగిక వేధింపులకు పాల్పడిన మామపై దాడి చేశారు. అతని చేతులు నరికారు. ఈ సంఘటన బీహార్ రాష్ట్రంలోని భనస్ గ్రామంలో జరిగింది. మరోసారి అతను ఇలాంటి తప్పు చేయకుండా ఉండడానికే తాము ఆ పని చేశామని కోడళ్లు చెబుతున్నారు. బీహార్‌లోని రోహతస్ జిల్లాలోని భనస్ గ్రామంలో రాధేశ్యాం సింగ్ అనే వ్యక్తి కోడళ్ల ఆగ్రహానికి గురయ్యాడు.

తమపై వరుసగా లైంగిక దోపిడీకి ప్రయత్నాలు సాగించడంతో రాధేశ్యం సింగ్‌పై తాము విసిగిపోయినట్లు పోలీసులు తెలిపారు. కూరగాయలు తరుగుతున్న ఓ కోడలిపై మూడు రోజుల క్రితం అతను లైంగిక దాడికి ప్రయత్నించాడని, ఆమె అరవడంతో రెండో కోడలు జోక్యం చేసుకోవడానికి ప్రయత్నించిందని పోలీసులు చెబుతున్నారు.

వెనక్కి తగ్గాలని చెప్పిన రెండో కోడలిపై కూడా అతను అసభ్యంగా ప్రవర్తించాడు. దాంతో వారిద్దరు అతన్ని పట్టుకుని పదునైన ఆయుధంతో రెండు చేతులు కూడా నరికేశారు. రోహతస్‌లో అతనికి ప్రాథమికంగా చికిత్స అందించారు. ఆ తర్వాత అతన్ని వారణాసి ఆస్పత్రికి తరలించారు.

ఇద్దరు కోడళ్ల వాంగ్మూలం ఆధారంగా పోలీసులు కేసు నమోదు చేసుకున్నారు. కేసు దర్యాప్తు సాగిస్తున్నారు.

English summary

Enraged over repeated attempts by their father-in-law to sexually assault them, two women in a Bihar village chopped off the man's hands to teach him a lesson he would never forget, police said on Sunday.