ముచ్చటగా మూడో పెళ్లి: ముట్టింది అరగుండు

బళ్లారి: కర్ణాటకలోని బళ్లారి స్థానిక కౌల్‌బజార్‌ పోలీస్‌స్టేషన్‌ పరిధిలో 20రోజులక్రితం ఒ వ్యక్తి ముచ్చటపడి రహస్యంగా మూడవ వివాహం చేసుకున్నాడు. కానీ అది ఎదురు తిరిగింది. ఆ వ్యక్తికి మూడవ భార్య బంధువులు ఆదివారం దేహశుద్ధి చేసి అరగుండు చేయించారు.

బళ్లారి నగరంలోని కౌల్‌బజార్‌కు చెందిన సయ్యద్‌ అఫ్జల్‌ మొదటి భార్య మృతి చెందడంతో అరిఫాను రెండవ వివాహం చేసుకున్నాడు. అయితే కుటుంబ కలహాల వల్ల రెండవ భార్యను కూడా వదిలివేశాడు. గత 20 రోజుల క్రితం రహస్యంగా జైపూన్‌ అనే మహిళను మూడవ వివాహం చేసుకున్నాడు.

ఆదివారం ఈ విషయం తెలిసిన మూడవ భార్య బంధువులు సయ్యద్‌ను కట్టేసి చితకబాది అరగుండు చేయించారు. సమాచారం అందిన వెంటనే ఘటనా స్థలానికి పోలీసులు చేరుకుని ముగ్గురిని అదుపులోకి తీసుకుని విచారణ చేపట్టారు.

English summary

Third wife relatives attacked a person at Bellary of Karntaka. they shaved the head of the person.