ఇష్రత్ ఇష్యూ: బూటకపు ఎన్కౌంటర్ల దుమారం
మృతులు టెర్రరిస్టులా, కాదా అనే చర్చ ఒక వైపు, వారు నిజమైన ఎన్కౌంటర్లోనే చనిపోయారా, బూటకపు ఎన్కౌంటర్లో చనిపోయారా అనే చర్చ మరోవైపు జరుగుతూ ఉంటుంది. ఈ విషయంలో చర్చ ఎప్పటికప్పుడు మళ్లీ ముందుకు వస్తూ ఉంటుంది. 2006లో తీమర్పూర్లో జరిగిన ఎన్కౌంటర్పై వ్యక్తమైన అనుమానాలపై ప్రభుత్వం గానీ, మీడియా గానీ పెద్దగా దృష్టి పెట్టలేదు.
2004 - 2005 విషయాలను మానవ హక్కుల కమిషన్ నివేదికను బట్టి చూస్తే - బీహార్, గుజరాత్, మహారాష్ట్ర, ఉత్తరప్రదేశ్, అస్సాం, రాజస్థాన్, తమిళనాడు, పశ్చిమ బెంగాల్ రాష్ట్రాల్లో పోలీసు కస్టడీ మరణాలు తగ్గాయి. కానీ ఆంధ్రప్రదేశ్, కర్ణాటక, కేరళ, ఒరిస్సా, ఢిల్లీ, జార్ఖండ్, ఉత్తరాంచల్ రాష్ట్రాల్లో పెరిగాయి.
దేశంలోని వివిధ రాష్ట్రాల నుంచి అటువంటి కేసులకు సంబంధించి 122 సంఘటనలు మానవ హక్కుల కమిషన్కు ఆ ఏడాదిలో లాగా ఎక్కువగా కాంగ్రెసు పాలిత రాష్ట్రాల్లో లేదా కాంగ్రెసు మద్దతుతో పాలన నడుస్తున్న రాష్ట్రాల నుంచి సంఘటనలు చేరాయి.
ఇదిలావుంటే, మన్మోహన్ సింగ్ ప్రభుత్వంలో సహాయ మంత్రిగా ఉన్న ఆర్పిఎన్ సింగ్ లోకసభలో ఓ ప్రశ్నకు సమాధానమిస్తూ - 2009 - 10 నుంచి 2012 -13 వరకు రాష్ట్రాలవారీగా బూటకపు ఎన్కౌంటర్లకు సంబంధించి ఆరోపణల కేసులు మానవ హక్కుల కమిషన్కు 555 వచ్చాయని చెప్పారు. వాటిలో 144 కేసులను పరిష్కరించగా, 411 కేసులు అపరిష్కృతంగా ఉండిపోయాయి.
ఆ సమాధానంలో బూటకపు ఎన్కౌంటర్లకు సంబందించి 2009 - 10, 2010 - 11, 2011 -12లలో సంభవించిన మరణాల వివరాలు కూడా ఇచ్చారు. 2009 -10లో మణిపూర్, ఉత్తరప్రదేశ్ రాష్ట్రాల్లో ఎక్కువగా జరగగా, గుజరాత్లో ఒక్క కేసు కూడా నమోదు కాలేదు. 2010 -11 సంవత్సరంలో ఉత్తరప్రదేశ్లో 40 కేసులు, కాంగ్రెసు పాలిత రాష్ట్రాలైన అస్సాం, ఆంధ్రప్రదేశ్, హర్యానాల్లో కలిసి 30 కేసులు నమోదయ్యాయి. 2011-12లో కూడా ఉత్తరప్రదేశ్దే అగ్రస్థానం.
అలా చూస్తే, ఇష్రాత్ జహర్ ఎన్కౌంటర్ కేసును రాజకీయం చేయడం దురదృష్టకరమేనని చెప్పాలి. బాధితులకు, వారి కుటుంబాలకు అగౌరవం తెచ్చి పెట్టే విధంగా దాన్ని రాజకీయం చేశారు.
Click it and Unblock the Notifications
Sign in with Google