అప్పటికే ఓ భార్య: పెళ్లితో నటిని మోసగించిన నేత
మిడ్ - డే కథనం ప్రకారం - బంతియా తనను మోసం చేశాడంటూ నటి ముంబై క్రైం బ్రాంచ్ మహిళా సమస్యల పరిష్కారం విభాగాన్ని సంప్రదించింది. కళాకారుల కోటాలో ప్రభుత్వం నుంచి ఫ్లాట్ ఇప్పిస్తానని తన నుంచి ఆరు లక్షల రూపాయలు తీసుకుని కూడా అతను మోసం చేశాడని ఆ నటి ఆరోపించింది.
తన భార్యకు విడాకులు ఇచ్చానని నకిలీ విడాకుల పత్రాలను చూపించి తనను బంతియా పెళ్లి చేసుకున్నాడని ఆమె ఆరోపించింది. ఇద్దరికీ తెలిసిన ఓ ఫ్రెండ్ ద్వారా బంతియా నటికి పరియమయ్యాడు. రాష్ట్ర సచివాలయంలో తనకున్న సంబంధాలతో గవర్నమెంట్ ఫ్లాట్ ఇప్పిస్తానని బంతియా నటికి ఆశ పెట్టాడు.
ఆ తర్వాత తరుచుగా బంతియా ఆమెను కలుస్తూ వచ్చాడు. షూటింగ్ స్థలాలకు కూడా వెళ్తుండేవాడు. ఆ విధంగా పెళ్లికి అతను ప్రతిపాదన పెట్టాడు. ఇరువురు 2010 జులై 23వ తేదీన పెళ్లి చేసుకున్నారు. ఆ తర్వాత కొద్ది నెలలకు బంతియా భార్య నుంచి నటికి ఫోన్లు రావడం ప్రారంభమైంది. అది బయటపడిన తర్వాత బంతియా నటిని బెదిరిస్తూ వచ్చాడు. తనను వదిలేస్తే పని దొరకదంటూ హెచ్చరిస్తూ వచ్చాడు.