బాబాయ్‌ని నరికి తలను 70 కిమీ మోసుకెళ్లాడు

బెంగళూర్: కర్ణాటకలోని కోలార్ జిల్లాలో ఒళ్లు గగుర్పొడిచే సంఘటన చోటు చేసుకుంది. ఓ యువకుడు బాబాయ్‌తో భోజనం చేశాడు. ఆ తర్వాత సంచీలోంచి కత్తి తీసి, అతని తల నరికాడు. తలను డబ్బాలో పెట్టుకుని 70 కిలోమీటర్లు ప్రయాణించి, బెంగళూర్‌లోని ప్రధాన జైలుకు చేరుకున్నాడు. ట్రక్కు, క్యాబ్‌ల్లో అతను ప్రయాణం చేశాడు.

కోలార్ జిల్లాలోని ఓ గ్రామంలో ఈ సంఘటన చోటు చేసుకుంది. తన తల్లిని వలలో వేసుకోవడానికి ప్రయత్నిస్తున్నాడని అనుమానించిన యువకుడు ఆ దారుణ సంఘటనకు పూనుకున్నాడు. బాబాయ్ గోవిందప్ప (38)తో కలిసి శేఖర్ (25) అనే యువకుడు రాత్రి 8 గంటల ప్రాంతంలో కోలార్ జిల్లాలోని అన్నెనహళ్లిలో భోజనం చేశాడు.

బాబాయ్ తలను బాక్స్‌లో పెట్టుకుని గ్రామం నుంచి బెంగళూర్‌లోని ఆర్కెపురం చేరుకున్నాడు. అక్కడి నుంచి మాక్సీ క్యాబ్‌లో గురువారం తెల్లవారు జామున రెండున్నర గంటలకు పరప్పన అగ్రహార జైలుకు చేరుకున్నాడు.

తన బాబాయ్‌ని చంపానని అతను చెప్పినప్పుడు పోలీసులు నమ్మలేదు. డబ్బా నుంచి తలను తీసిన తర్వాత బిత్తరపోయారు. అతన్ని పోలీసులు అరెస్టు చేసి, కోలార్ పోలీసు స్టేషన్‌కు తరలించారు.

English summary

A youth dined with his uncle, brandished a chopper from his bag and beheaded him. He put the head in a box, carried it over 70km by truck and cab to reach Bangalore's main prison, and surrendered.