వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

బాబుకు నై: జగన్‌పార్టీలోకి వరుణ్ మోటార్స్ అధినేత?

By Pratap
|
Google Oneindia TeluguNews

 Varun motors owner may join in YSRCP
విశాఖపట్నం: 'వరుణ్ మోటార్స్' అధినేత ప్రభుకిశోర్ వైయస్ జగన్ నాయకత్వంలోని వైయస్సార్ కాంగ్రెసు పార్టీలో చేరుతారనే ప్రచారం సాగుతోంది. ఆయన విశాఖపట్నం లోకసభ సీటు టికెట్‌ను ఆశిస్తున్నారని అంటున్నారు. వ్యాపారవేత్తగా పేరు గడించిన ప్రభు కిశోర్‌కు వైయస్సార్ కాంగ్రెసు పార్టీ లోకసభ టికెట్ ఇవ్వడానికి సుముఖంగా ఉన్నట్లు చెబుతున్నారు.

ప్రభు కిశోర్ గతంలో నారా చంద్రబాబు నాయుడి నాయకత్వంలోని తెలుగుదేశం పార్టీకి సన్నిహితంగా మెలిగేవారు. ప్రభుకిశోర్ సోమవారం ఆకస్మికంగా వైయస్సార్ కాంగ్రెసు పార్టీ శిబిరంలో కనిపించారు. షర్మిల పాదయాత్ర సందర్భంగా ఆ పార్టీ పెద్దలు సోమవారం పెందుర్తిలో క్యాంపు వేశారు.

అక్కడ వైవీ సుబ్బారెడ్డి తదితరులు సమావేశమై ఉండగా ప్రభు కిశోర్ వచ్చి వారిని కలిశారు. ఈ పరిణామం ఆ పార్టీ నేతలను కూడా ఆశ్చర్యపరిచింది. ఆయనకు రాజకీయాలపై ఆసక్తి ఉందని, అందుకే సుబ్బారెడ్డిని కలిశారని పార్టీ వర్గాలు చెబుతున్నాయి.

వైయస్సార్ కాంగ్రెసు తరఫున విశాఖ ఎంపీ టికెట్‌ను ఆశిస్తున్నారని ఆ పార్టీ వర్గాలు వివరిస్తున్నాయి. విశాఖ నుంచి షర్మిల లేదంటే వైవీ సుబ్బారెడ్డి పోటీ చేస్తారని ఇప్పటి వరకు ప్రచారం జరుగుతోంది. ఇప్పుడు ఆ జాబితాలో ప్రభు కిశోర్ చేరారు.

English summary
Varun Motors owner Prabhu Kishore may join in YS Jagan's YSR Congress party and to contest from Visakhapatnam Loksabha seat.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X