లవ్ అఫైర్: బిటెక్ విద్యార్థుల అత్మహత్యయత్నం
మొయినాబాదులోని కెజి రెడ్డి కాలేజ్ ఆఫ్ ఇంజనీరింగ్ అండ్ టెక్నాలజీలో వారిద్దరు బిటెక్ చివరి సంవత్సరం చదువుతున్నారు. 21 ఏళ్ల వయస్సు గల వారిద్దరు ఒకే తరగతిలో చదువుతున్నారు. గత కొన్నాళ్లుగా ప్రేమించుకుంటున్నారు. మోనికాకు మరో వ్యక్తితో నెల రోజుల క్రితం పెళ్లి నిశ్చయమైంది. ఇది ఆమెకు ఏ మాత్రం ఇష్టం లేదు.
మంగళవారం సాయంత్రం మోనిక, రఫీక్ గండిపేట - మొయినాబాద్ రోడ్డులో నిర్మానుష్యమైన ప్రదేశానికి వెళ్లి శరీరాలపై కిరోసిన్ పోసుకుని నిప్పంటించుకున్నారు. కాలిన గాయాలతో పడి ఉన్న వారిద్దరిని స్థానికులు గుర్తించి నార్సింగి పోలీసులకు సమాచారం అందించారు. వెంటనే వారిద్దరిని ఉస్మానియా జనరల్ ఆస్పత్రికి తరలించారు.
పోలీసులు బాధితుల వాంగ్మూలాలను రికార్డు చేశారు. తామిద్దరినీ విడదీయడానికి ప్రయత్నించడంతో తాము కలిసి మరణించాలని అనుకున్నట్లు వారు చెప్పారు. వారి పరిస్థితి ఆందోళనకరంగా ఉంది.