పేదరికమంటే తిండి, డబ్బు కొరత కాదు!: రాహుల్గాంధీ
సంస్కృతి, "విస్తృత ప్రజాస్వామ్యం, మరింత వెనుకబడిన వర్గాలు'' అంశంపై ఇక్కడ నిర్వహించిన ఒక కార్యక్రమంలో పాల్గొన్న రాహుల్ పేదరికంపై ఈ వ్యాఖ్యలు చేశారు. సమాజంలో వెనుకబడినవర్గాల ప్రజలు అభివృద్ధి చెందడంలో స్వయం సహాయక సంఘాల పాత్రను ఈ సందర్భంగా రాహుల్ ప్రశంసించారు. పేదరికాన్ని అధిగమించేలా ఆత్మవిశ్వాసం కల్పించడంలో ఈ సంఘాలు కీలక పాత్ర పోషిస్తున్నాయన్నారు.
వ్యవస్థలోని బలహీనతను అర్థం చేసుకున్నానని, ప్రజలకు సహాయం చేయడంలో తన శక్తిమేరకు కృషి చేస్తానని చెప్పారు. అయితే, వెనుకబడిన వర్గాల ప్రజలు తమ గొంతును వినిపిస్తూ, ముందుకు రానంత వరకూ ఏమీ చేయలేమని వ్యాఖ్యానించారు. అమేథీలో ఒక పేద మహిళ ఆత్మవిశ్వాసంతో పేదరికాన్ని అధిగమించిన విషయాన్ని ఆయన ప్రస్తావించారు. కాగా, రాహుల్గాంధీ వ్యాఖ్యలు బాధాకరం మాత్రమే కాకుండా, పేదలను వెక్కిరించేలా ఉన్నాయని బీజేపీ విమర్శించింది.
రాహుల్ వ్యాఖ్యలపై పలువురు సామాజిక వెబ్ సైట్లలో సెటైర్లు విసిరారు. పేదరికం... మానసిక స్థితే అయితే, ప్రభుత్వం నేరుగా పలు పథకాలు ఎందుకు ప్రవేశపెడుతోందని ప్రశ్నించారు.