కస్టమర్స్‌కి డ్రింక్స్ ఇచ్చి షాప్‌లో రేప్, వీడియో చిత్రీకరణ

హైదరాబాద్: రాష్ట్ర రాజధాని హైదరాబాదు పాతబస్తీలోని ఓ బట్టల దుకాణంలో దారుణం జరిగింది. బట్టలు కొనేందుకు వచ్చిన ఇద్దరు కస్టమర్స్‌పై అత్యాచారం చేయడమే కాకుండా వాటిని వీడియోలుగా తీసి బెదిరించిన సంఘటన మంగళవారం జరిగింది.

పాతబస్తీలోని గుల్జార్ హౌస్ వద్ద ఉండే ఓ బట్టల దుకాణానికి మంగళవారం ఇద్దరు మహిళలు బట్టలు కొనేందుకు వచ్చారు. దుకాణంలో ఉన్న అంజద్, మరో వ్యక్తి వారికి బట్టలు చూపించారు. కస్టమర్స్‌కు నమ్మకం కలిగేలా ప్రవర్తించిన వారు కూల్ డ్రింక్స్ ఇచ్చారు. అందులో మత్తు మందు కలిపారు.

అది తాగిన ఇద్దరు మహిళలు అపస్మారక స్థితిలోకి వెళ్లిపోయారు. దీంతో నిందితులు వారిని బట్టల దుకాణంలోని మరో గదిలోకి తీసుకువెళ్లి అత్యాచారానికి పాల్పడ్డారు. స్పృహలోకి వచ్చిన అనంతరం మహిళలు జరిగిన విషయం తెలుసుకున్నారు. దీంతో, నిందితులు.. దీనిని వీడియో తీశామని, ఎవరికైనా చెబితే ఇంటర్నెట్లో పెడతామని బెదిరించారు.

ఇంటికి వెళ్లిన మహిళలు పెద్దలకు జరిగిన విషయం చెప్పారు. వారి సహకారంతో ఈ రోజు పోలీసు కమిషనర్‌కు ఫిర్యాదు చేశారు. దీనిని సీరియస్‌గా తీసుకున్న పోలీసులు నిందితులపై నిర్భయ చట్టం కింద కేసు నమోదు చేశారు. వారిని అదుపులోకి తీసుకున్నారు.

English summary

Two men arrested in old city of Hyderabad for abusing two women in their cloth shop.