కాంగ్రెస్, టిడిపి పోటీ: సోనియా మెడకు తాడు (పిక్చర్స్)

By Srinivas

Updated: Monday, September 2, 2013, 15:02 [IST]

హైదరాబాద్: సిడబ్ల్యూసి విభజన నిర్ణయాన్ని నిరసిస్తూ సీమాంధ్రలో 34వ రోజు ఆగ్రహజ్వాలలు ఎగిసిపడుతున్నాయి. సమైక్యవాదులు ప్రజాప్రతినిధులను అడ్డుకొని రాజీనామాలు చేయాలని పట్టుబడుతున్నారు. రాజీనామా చేయకుండా సమైక్యాంధ్ర ఉద్యమంలో పాల్గొనవద్దని హెచ్చరిస్తున్నారు.

సమైక్యాంధ్రకు మద్దతుగా అనంతపురం జిల్లా ధర్మవరంలో శ్రీ పొట్టి శ్రీరాములు కూడలిలో లక్షగళార్చన ఏర్పాటు చేశారు. ఈ కార్యక్రమంలో భారీగా సమైక్యవాదులు పాల్గొన్నారు. ఉద్యోగుల ఐక్యకార్యాచరణ సమితి దీనిని ఏర్పాటు చేసింది. ధర్మవరం-పుట్టపర్తి మార్గంలో జనప్రవాహం కనిపించింది.

సమైక్యాంధ్ర కోరుతూ వైయస్సార్ కాంగ్రెసు పార్టీ నాయకురాలు షర్మిల చేపట్టనున్న సమైక్య శంఖారావ యాత్ర ఈ రోజు ప్రారంభమవుతుంది. మరోవైపు తెలుగుదేశం పార్టీ అధ్యక్షుడు నారా చంద్రబాబు నాయుడు ఆత్మగౌరవ యాత్ర గుంటూరు జిల్లాలో కొనసాగుతుంది.

కాంగ్రెస్.జివిఎంసి

సమైక్యాంధ్రకు మద్దతుగా గ్రేటర్ విశాఖ కాంగ్రెసు పార్టీ నాయకులు ఆందోళన చేస్తున్న దృశ్యం. ఈ దీక్షలో కాంగ్రెసు నాయకులతో పాటు పలువురు సమైక్యవాదులు పాల్గొన్నారు.

జివిఎంసి

సిడబ్ల్యూసి విభజన నిర్ణయాన్ని నిరసిస్తూ విశాఖలో ద్విచక్ర వాహన ర్యాలీని తీస్తున్న దృశ్యం. జై సమైక్యాంధ్ర అంటూ నినాదాలు చేస్తూ నిరసన తెలిపారు.

ఎండిపి

సమైక్యాంధ్రకు మద్దతుగా విశాఖలో తెలుగు తల్లి ఎదుట కోలాటం ప్రదర్శిస్తూ నిరసన తెలుపుతున్న విద్యార్థినులు. విభజనను అంగీకరించేది లేదంటూ నిరసన తెలిపారు.

టిడిపి.జివిఎంసి

కాంగ్రెసు పార్టీ విభజన నిర్ణయాన్ని వ్యతిరేకిస్తూ ఏఐసిసి అధ్యక్షురాలు సోనియా గాంధీ ఫోటోకు తెలుగుదేశం పార్టీ తాడుతో ఉరి వేస్తున్న దృశ్యం.

టిడిపి.జివిఎంసి

సిడబ్ల్యూసి విభజన నిర్ణయాన్ని వ్యతిరేకిస్తూ విశాఖలో తెలుగుదేశం పార్టీ ఆధ్వర్యంలో వినూత్న నిరసన తెలుపుతున్న దృశ్యం. టిడిపి అభిమానులు తలకిందులుగా నడుస్తూ నిరసన తెలిపారు.