బాబు యాత్రలో కత్తితో సోనియా!, సైకిల్ గిఫ్ట్(పిక్చర్స్)

By Srinivas

Published: Monday, September 2, 2013, 12:35 [IST]

గుంటూరు: పార్టీ సీనియర్ల మాట కాదని తెలుగుదేశం పార్టీ అధ్యక్షుడు నారా చంద్రబాబు నాయుడు సీమాంధ్రలో ఆత్మగౌరవ యాత్ర పేరిట చేపట్టినా, అనూహ్య స్పందన చూసి తెలుగుదేశం పార్టీ వర్గాలు ఆనందం వ్యక్తం చేస్తున్నాయి. కాంగ్రెసు పార్టీ విభజన నిర్ణయం నేపథ్యంలో ఇటీవల పలు పార్టీలు తెలుగుదేశం పార్టీని లక్ష్యంగా చేసుకున్న విషయం తెలిసిందే.

చంద్రబాబు లేఖ వల్లనే విభజన జరుగుతుందని, ఆయన ఇచ్చిన లేఖను తిరిగి తీసుకోవాలని సీమాంధ్ర కాంగ్రెసు, వైయస్సార్ కాంగ్రెసు పార్టీ నేతలు డిమాండ్ చేస్తున్నారు. వైయస్సార్ కాంగ్రెసు పార్టీ, సీమాంధ్ర కాంగ్రెసు నేతలు బలమైన సమైక్యవాదాన్ని వినిపిస్తున్నారు.

ఇలాంటి పరిస్థితుల్లో చంద్రబాబు ఆత్మగౌరవం పేరిట యాత్ర చేపట్టేందుకు సిద్ధపడ్డారు. సీమాంధ్రలో ఉద్యమం తీవ్రంగా ఉన్న నేపథ్యంలో పార్టీ సీనియర్లు ఆయనను వారించారు. కానీ, ఆయన మాత్రం యాత్రపై వెనక్కి తగ్గలేదు. విభజన విషయంలో అసలు పాపం తనది కాదని.. కాంగ్రెసు, వైయస్ రాజశేఖర రెడ్డిలదేనని ఆయన విమర్శలు గుప్పిస్తున్నారు. సీమాంధ్రుల ఆందోళన సరైనదేనని చెప్పిన ఆయన ఇరు ప్రాంతాల జెఏసిలతో మాట్లాడాలని డిమాండ్ చేశారు.

ఆత్మగౌరవ యాత్ర

తెలుగుదేశం అధ్యక్షుడు నారా చంద్రబాబు నాయుడు గుంటూరు జిల్లా పొందుగుల నుండి ఆదివారం తన ఆత్మగౌరవ యాత్రను ప్రారంభించారు. దీనికి భారీగా కార్యకర్తలు తరలి వచ్చారు.

నన్నపనేని

తెలుగుదేశం అధ్యక్షుడు నారా చంద్రబాబు నాయుడు గుంటూరు జిల్లా పొందుగుల నుండి ఆదివారం తన ఆత్మగౌరవ యాత్రను ప్రారంభించారు. యాత్రలో ఎమ్మెల్సీ నన్నపనేని రాజకుమారి.