భక్తులారా! విశాఖలో వినాయకుడే వచ్చి ట్రాఫిక్స్ రూల్స్పై అవగాహన కల్పించారు!
విశాఖపట్నం: నగరంలో ట్రాఫిక్ నిబంధనలు పాటించేలా చేయడంలో కోసం ట్రాఫిక్ పోలీసులు వినూత్న ప్రయత్నం చేశారు. వినాయక చవితి వేడుకలు జరుగుతున్న సందర్భంలో ఆ దేవుడి వేషాధారణలోనే వాహనదారులకు జాగ్రత్తలు తెలియజేశారు.
నగరంలోని ఓ ట్రాఫిక్ సిగ్నల్ వద్ద ట్రాఫిక్ పోలీసులు వాహనదారులకు నిబంధనలు, హెల్మెట్ పెట్టుకోవాల్సిన అవసరంపై అవగాహన కల్పించారు. సిగ్నల్ వద్ద వాహనదారులందరూ ఆగిపోగా.. అక్కడికి వినాయకుడి వేషంలో ఓ వ్యక్తి బైక్పై వస్తాడు.
ఆ తర్వాత ఆయనకు ట్రాఫిక్ పోలీసులు హెల్మెట్ ధరింపజేస్తారు. అనంతరం వినాయకుడి రూపంలో ఉన్న వ్యక్తి.. ప్రజలారా.. భక్తులారా.. అంటూ ట్రాఫిక్ నిబంధనల గురించి, హెల్మెట్ పెట్టుకోవాల్సిన ఆవశ్యకత గురించి వివరించారు. ట్రాఫిక్ పోలీసులు చేపట్టిన ఈ కొత్త ప్రయత్నాన్ని పలువురు నెటిజన్లు అభినందించారు.
Click it and Unblock the Notifications
Sign in with Google