"వైకుంఠ ఏకాదశి" వేడుకల వేళ తిరుమల భక్తులకు బిగ్ అలర్ట్..?

తిరుమల శ్రీవారి ఆలయంలో వైకుంఠ ఏకాదశి సందర్భంగా జరిగే మహా పర్వదిన వేడుకలకు టీటీడీ సర్వం సిద్ధం చేసింది. కాగా వైకుంఠ ఏకాదశి రోజున శ్రీవారి వైకుంఠ ద్వారం దర్శనం చేసుకుంటే మోక్షప్రాప్తి కలుగుతుందనే నమ్మకంతో లక్షలాది మంది భక్తులు తిరుమలకు తరలివస్తున్నారు. ఈ క్రమంలోనే భక్తుల సౌకర్యం, భద్రత, ఆరోగ్య పరిరక్షణకు ప్రాధాన్యత ఇస్తూ విస్తృత స్థాయిలో ఏర్పాట్లు చేపట్టింది.

అయితే సోమవారం అర్ధరాత్రి 12.05 గంటలకు ఆలయంలోని బంగారు వాకిలి (వైకుంఠ ద్వారం)ను తిరుప్పావై పాశురాల గానంతో తెరుస్తారు. వైకుంఠ ద్వారం వద్ద అర్చకులు ప్రత్యేక పూజలు, హారతి సమర్పణ చేస్తారు. అనంతరం తోమాలపటంతో ప్రదక్షిణ, గర్భాలయంలో మూలవిరాట్టుకు పుష్ప సమర్పణ.. నిత్య పూజా కైంకర్యాలు, ఏకాంత సేవలు నిర్వహిస్తారు. ఈ ఆచారాల అనంతరం రాత్రి 1.30 గంటల నుంచి భక్తులను దర్శనానికి అనుమతిస్తారు. జనవరి 8 వరకు వైకుంఠ ద్వార దర్శనాలు కొనసాగనున్నాయి.

అంతే కాకుండా వైకుంఠ ఏకాదశి సందర్భంగా రద్దీని నియంత్రించేందుకు టీటీడీ కింది చర్యలు తీసుకుంది. అందులో భాగంగానే ప్రత్యేక క్యూలైన్లు, చలువ పందిళ్లు (షెడ్లు), తాగునీరు, బట్టర్ మిల్క్ పంపిణీ.. వృద్ధులు, దివ్యాంగులకు ప్రత్యేక సహాయం, మహిళలు, చిన్న పిల్లల కోసం ప్రత్యేక మార్గాలు ఏర్పాటు చేసింది. భక్తులకు ఎలాంటి అసౌకర్యం కలగకుండా సిబ్బందిని అధిక సంఖ్యలో నియమించారు.

మరీ ముఖ్యంగా అత్యవసర సహాయానికి ముఖ్యమైన ఫోన్ నంబర్లు ప్రకటించారు. భక్తులకు ఎలాంటి ఇబ్బందులు ఎదురైనా వెంటనే సంప్రదించేందుకు టీటీడీ 24/7 సేవలు అందిస్తోంది. ఈ నంబర్లను ఫోన్‌లో సేవ్ చేసుకోవాలని సూచించింది.

ప్రధాన సహాయ కేంద్రాలు (24/7)..

TTD టోల్ ఫ్రీ హెల్ప్ లైన్: 155257

విచారణ కార్యాలయం (Enquiry): 0877-2277777

వైద్య సహాయం..

అశ్విని ఆసుపత్రి (తిరుమల): 0877-2263457 / 2263458

అంబులెన్స్ సేవలు: 0877-2263666 లేదా నేరుగా 108

మెయిన్ హాస్పిటల్ (తిరుపతి): 0877-2287777

భద్రత & పోలీస్ సహాయం..

దొంగతనాలు, తప్పిపోయిన వారు లేదా ఇతర భద్రతా సమస్యల కోసం:

విజిలెన్స్ ఆఫీస్ (TTD Security): 0877-2263333

తిరుమల క్రైమ్ పార్టీ: 0877-2263939

తిరుమల వన్ టౌన్ పోలీస్ స్టేషన్: 0877-2263833

ట్రాఫిక్ పోలీస్ స్టేషన్: 0877-2263733

ఇతర ముఖ్య సేవల నంబర్లు..

కళ్యాణకట్ట (తలనీలాలు): 0877-2263222

అన్నప్రసాదం సెంటర్: 0877-2263555

భక్తులకు ముఖ్య సూచనలు..

తప్పిపోయిన వారు:

కుటుంబ సభ్యులు ఎవరైనా తప్పిపోతే వెంటనే దగ్గరలోని విజిలెన్స్ ఆఫీసులో సమాచారం ఇచ్చి అనౌన్స్‌మెంట్ చేయించాలి.

డిజిటల్ & నగదు చెల్లింపులు:

తిరుమలలో చాలా చోట్ల ఆన్‌లైన్ పేమెంట్స్ అందుబాటులో ఉన్నప్పటికీ, నెట్‌వర్క్ లేదా సర్వర్ సమస్యలు ఎదురయ్యే అవకాశం ఉన్నందున కొంత నగదు చేతిలో ఉంచుకోవడం మంచిది.

సమయపాలన:

క్యూలైన్లలో ఎక్కువ సమయం వేచిచూడాల్సి ఉండవచ్చు. కావున తగిన ఆహారం, నీరు వెంట తీసుకురావాలి.

నిషేధిత వస్తువులు:

ప్లాస్టిక్ వస్తువులు, ఎలక్ట్రానిక్ గాడ్జెట్లు ఆలయంలోకి అనుమతి లేదు.

English summary

Everything is ready for the Vaikuntha Ekadashi celebrations in Tirumala. In this context, TTD has set up important emergency phone numbers to be contacted in case of any difficulty or need for information.