విదేశీ పర్యటనలో ఎమ్మెల్యే సుజనా చౌదరికి తీవ్రగాయం..
సీనియర్ పొలిటీషియన్, విజయవాడ వెస్ట్ బీజేపీ ఎమ్మెల్యే సుజనా చౌదరికి విదేశీ పర్యటనలో ప్రమాదం చోటు చేసుకుంది. లండన్ పర్యటనలో భాగంగా అక్కడి ఓ సూపర్ మార్కెట్లో ప్రమాదవశాత్తూ బాత్రూమ్లో జారిపడిన ఆయనకు కుడిచేయికి తీవ్రంగా గాయమైంది. ఎముక విరిగినట్టు సమాచారం.
ప్రమాదం అనంతరం లండన్లో ప్రాథమిక వైద్యం పొందిన సుజనా చౌదరిని మెరుగైన చికిత్స కోసం వెంటనే హైదరాబాద్కు తరలించారు. తెల్లవారుజామున 3 గంటల సమయంలో రాజీవ్ గాంధీ ఇంటర్నేషనల్ ఎయిర్పోర్ట్కు చేరుకున్న ఆయనను బేగంపేటలోని కిమ్స్ ఆసుపత్రికి తీసుకెళ్లారు. అక్కడి వైద్యులు సర్జరీకి ఏర్పాట్లు చేస్తున్నారు.
ప్రస్తుతం సుజనా చౌదరి ఆరోగ్య పరిస్థితి నిలకడగా ఉన్నట్టు తెలుస్తోంది. అయితే పూర్తిస్థాయి సమాచారం కోసం ఆసుపత్రి నుంచి అధికారిక హెల్త్ బులిటెన్ విడుదలయ్యే అవకాశం ఉంది. ఈ ఊహించని ఘటనతో బీజేపీ కార్యకర్తలు, సుజనా చౌదరి అభిమానులు ఆందోళన వ్యక్తం చేస్తున్నారు. ఆయన త్వరగా కోలుకోవాలని ఆకాంక్షిస్తున్నారు.
Click it and Unblock the Notifications
Sign in with Google