టిడిపి-బిజెపిమధ్య పొత్తు: అర్ధరాత్రిదాకా చర్చ, ఇదీ లెక్క

హైదరాబాద్: భారతీయ జనతా పార్టీ, తెలుగుదేశం పార్టీల మధ్య పొత్తు కుదిరింది. శనివారం అర్ధరాత్రి రెండున్నర గంటల వరకు జరిగిన చర్చలు సఫలమయ్యాయి. తెలంగాణలో బిజెపికి 47 అసెంబ్లీ, 8 లోకసభ, సీమాంధ్రలో 15 ఆసెంబ్లీ, 5 లోకసభ స్థానాలను ఇచ్చేందుకు తెలుగుదేశం పార్టీ సుముఖత తెలిపింది. బిజెపి కూడా పొత్తు లెక్కకు సానుకూలంగా స్పందించినట్లుగా తెలుస్తోంది.

అర్ధరాత్రి దాకా టిడిపి అధ్యక్షులు నారా చంద్రబాబు నాయుడు నివాసంలో బిజెపి అధికార ప్రతినిధి ప్రకాశ్ జవదేకర్ ఎడతెగని చర్చలు జరిపారు. అనంతరం ఇరు పార్టీలు అంగీకారానికి వచ్చాయి. తొలిదశ ఎన్నికలకు సమబంధించి ఇరు పార్టీల అభ్యర్థులు నామినేషన్లువేసేందుకు సిద్ధమవుతున్నారు.

మల్కాజిగిరి ఎవరికి ఇచ్చినా మద్దతు: ఎర్రబెల్లి

మల్కాజ్‌గిరి లోకసభ సీటు ఎవరికి ఇచ్చినా మద్దతు ఇస్తామని తెలంగాణ తెలుగుదేశం పార్టీ సీనియర్ నేత ఎర్రబెల్లి దయాకర్ రావు స్పష్టం చేశారు.

శనివారం ఉదయం రేవంత్ రెడ్డి, వేం నరేందర్ రెడ్డిని వెంటబెట్టుకుని పార్టీ చంద్రబాబు నివాసానికి వెళ్లారు. ఈ సందర్భంగా ఆయన మాట్లాడుతూ రేవంత్ రెడ్డి, నరేందర్ రెడ్డి పార్టీ కోసం ఎంతో కృషి చేశారని వారిద్దరికీ న్యాయం చేయాల్సిన అవసరం ఉందని ఎర్రబెల్లి అన్నారు.

English summary

BJP-TDP alliance in general election