భారీ పేలుడు: తెగిపడ్డ చేయి, ఇద్దరు చిన్నారులకు గాయాలు
హైదరాబాద్: విజయవాడ పరిధిలోని ఇబ్రహీంపట్నంలో శుక్రవారం తెల్లవారుజామున ఓ ఇంటిలో భారీ పేలుడు సంభవించింది. ఈ పేలుడు ధాటికి ఇంటిలోని రఘవర్మ అనే వ్యక్తి చేయి తెగి పడింది.
ఈ ప్రమాదంలో రఘవర్మతో పాటు ఇద్దరు చిన్నారులు తీవ్రంగా గాయపడ్డారు. పేలుడు సమాచారం అందుకున్న పోలీసులు హూటాహుటిన సంఘటనా స్ధలానికి చేరుకున్నారు. జిలెటిన్ స్టిక్స్ కారణంగానే పేలుడు సంభవించిందని పోలీసులు అనుమానిస్తున్నారు.
ఇబ్రహీంపట్నంలోని సుందరయ్య నగర్లో చోటుచేసుకున్న ఈ ఘటనలో ఇల్లు పూర్తిగా ధ్వంసమైంది. ఈ ఘటనపై పోలీసులు కేసు నమోదు చేసి దర్యాప్తుని కొనసాగిస్తున్నారు. ఈ ఘటనకు సంబంధించి మరిన్ని వివరాలు తెలియాల్సి ఉంది.
Click it and Unblock the Notifications
Sign in with Google