తాళి కట్టి జంప్ అయిన షార్ట్ ఫిల్మ్ డైరెక్టర్: తలపట్టుకున్న వధువు!..
వరి హడావుడిలో వారు ఉండగా.. వరుడు ఎవరికి చెప్పకుండా అక్కడి నుంచి పారిపోయాడు. వరుడి అదృశ్యంతో వధువు కుటుంబంలో ఆందోళన పెరిగింది.
జూపాడు బంగ్లా: వేదమంత్రోచ్చరణల మధ్య.. బంధుమిత్రుల సమక్షంలో వధువు మెడలో తాళికట్టిన వరుడు.. ఆ తర్వాత కొద్దిసేపటికే అదృశ్యమైపోయాడు. ఎక్కడికెళ్లాడోనని రాత్రంతా కంగారుపడ్డ ఇరు వర్గాలు.. గురువారం ఉదయం పోలీసులను ఆశ్రయించడంతో విషయం వెలుగులోకి వచ్చింది.
వివరాల్లోకి వెళ్తే.. కర్నూలు జిల్లాలోని జూపాడుబంగ్లాకు చెందిన వెంకటస్వామి కుమార్తె మోతెలక్ష్మికి తెలంగాణలోని నాగర్ కర్నూల్ జిల్లా కొల్లాపూర్ కు చెందిన రమణమ్మ, నరసింహ దంపతుల ప్రథమ పుత్రుడు కొడిగంటి కురుమూర్తితో బుధవారం ఘనంగా వివాహం జరిగింది. పెళ్లి తంతు, విందు పూర్తయ్యాక.. కొత్త జంటను తీసుకెళ్లడానికి ఏర్పాట్లు చేసుకున్నారు.
ఆ సమయంలో.. ఎవరి హడావుడిలో వారు ఉండగా.. వరుడు ఎవరికి చెప్పకుండా అక్కడి నుంచి పారిపోయాడు. వరుడి అదృశ్యంతో వధువు కుటుంబంలో ఆందోళన పెరిగింది. రాత్రంతా వేచి చూసినా.. అతను మాత్రం తిరిగిరాలేదు. ఫోన్ చేసినా లాభం లేకుండా పోయింది. దీంతో గురువారం స్థానిక పోలీస్ స్టేషన్ లో వధువు తల్లిదండ్రులు ఫిర్యాదు చేశారు.
షార్ట్ ఫిల్మ్ డైరెక్టర్ గా పనిచేసే కురుమూర్తికి గతంలోనే ఓ వివాహమైందని, కొల్లాపూర్ పోలీస్ స్టేషన్ లో ఇతనిపై కేసు కూడా నమోదైందని కొంతమంది బంధువులు పేర్కొనడం గమనార్హం.
Click it and Unblock the Notifications
Sign in with Google