పవన్ కల్యాణ్ చెప్పారు: అయినా చేతులేత్తేసిన కేంద్రం

By Pratap

Published: Thursday, December 21, 2017, 14:33 [IST]

అమరావతి: ఫాతిమా కాలేజీ విద్యార్థుల సమస్యను పరిష్కరించాలని జనసేన చీఫ్ పవన్ కల్యాణ్ చేసిన విజ్ఞప్తి, చంద్రబాబు ప్రభుత్వం పెట్టిన కృషి వృధా అయింది. కేంద్రం చేతులెత్తేసింది.

వారు ఇలా చెప్పారు...

కావాలంటే సుప్రీంకోర్టులో ప్రజా ప్రయోజనాల వ్యాజ్యం వేసుకోవచ్చునని ఎంసిఐ తేల్చి చెప్పింది. ఆ పిల్‌ను సుప్రీంకోర్టు స్వీకరించి, విద్యార్థులకు ఒకవేళ అనుకూలంగా తీర్పు ఇస్తే తాము గౌరవిస్తామని ఎంసిఐ చెప్పింది. అంతకు మించిన హామీ దాని నుంచి రాలేదు. దాంతో అధికారులు వెనక్కి వచ్చేశారు.

మూడు ప్రత్యామ్నాయాలతోరాష్ట్ర ప్రభుత్వం

ఎంసిఐ చేతులెత్తేయడంతో మూడు ప్రత్యామ్నాయాలతో రాష్ట్ర ప్రభుత్వం కేంద్రానికి అఫిడవిట్ దాఖలు చేసింది. రాష్ట్రంలోని 11 ప్రభుత్వ వైద్య కళాశాలల్లో తొమ్మిది సీట్ల చొప్పున పెంచుకోవడానికి అనుమతి ఇవ్వాలని, వాటిలో ఫాతిమా కాలేజీ విద్యార్థులకు సీట్లు ఇస్తామని చెప్పింది. అది రాష్ట్ర ప్రభుత్వం ఇచ్చిన మొదటి ప్రత్యామ్నాయం

మిగతారెండు ప్రత్యామ్నాయాలు ఇవీ...

వచ్చే ఏడాది, అంటే 2018లో రాష్ట్రానికి కేటాయించే సీట్లల్లో 100 సీట్లు వారికి కేటాయించడానికి అనుమతి ఇవ్వాలని కోరింది. వచ్చే ఏడాది ఫాతిమా కాలేజీకి కేటాయించే సీట్లలో 100 సీట్లు బ్లాక్‌ చేసి, వాటిలో ఇప్పుడున్న విద్యార్థులకు అవకాశం కల్పించాలని కోరింది. ఆ అఫిడవిట్‌ను తిరస్కరిస్తున్నట్లు కేంద్రం తెలిపింది.

ఇలా చేయాలని రాష్ట్రం

ఓ ఆర్డినెన్స్‌ను జారీ చేసి ఫాతిమా కాలేజీ విద్యార్థుల సమస్యను పరిష్కరించాలనే యోచనలో చంద్రబాబు ప్రభుత్వం ఉంది. దీన్నే ఫాతిమా విద్యార్థులు మొదటి నుంచీ కోరుతున్నారు. ఆర్డినెన్స్ జారీపై ఆరోగ్య శాఖ పరిశీలిస్తోంది. ఆర్డినెన్స్ ద్వారా వారికి న్యాయం చేయడానికి గల సాధ్యాసాధ్యాలను కూడా పరిశీలిస్తోంది. చంద్రబాబు విదేశీ పర్యటన నుంచి తిరిగి వచ్చిన తర్వాత ఇందుకు సంబంధించిన విషయాలపై చర్యలు తీసుకుంటారు.

Published On December 21, 2017