బెజవాడలో బంధువు ఉదారాత: చంద్రబాబుకు రెస్ట్ హౌస్
విజయవాడ: ఆంధ్రప్రదేశ్ ముఖ్యమంత్రి నారా చంద్రబాబు నాయుడు కోసం ఆంధ్రప్రదేశ్ రాష్ట్రంలో బంధువు రెస్ట్ హౌస్ను ఇస్తున్నారు. విజయవాడ వచ్చినప్పుడు చంద్రబాబు, ఆయన కుటుంబ సభ్యులు ఉండడానికి ఆ ఇల్లు అన్ని హంగులనూ సిద్ధం చేసుకుంటోంది.
రెండు అంతస్థుల ఆ భవనం చంద్రబాబు నాయుడి బంధువుది. ఆ ప్రాంతంలో ప్రభుత్వ అతిథి గృహం ఉన్నప్పటికీ ప్రత్యేకంగా ఈ భవనాన్ని సిద్ధం చేస్తున్నారు. ఈ ఇల్లు ఐదో జాతీయ రహదారికి సమీపంలో ఉంటుంది. ఆంధ్రప్రదేశ్ రాష్ట్ర రాజధాని ఏర్పడుతుందని భావిస్తున్న నాగార్జున విశ్వవిద్యాలయానికి, గన్నవరం విమానాశ్రయానికి మధ్యలో ఆ భవనం ఉంది.
సోమవారంనాడు ఆ భవనంలో హై కెపాసిటీ జనరేటర్ను ఏర్పాటు చేశారు. భవనం చుట్టూ స్పీడ్ బ్రేకర్లు వచ్చేశాయి. అధికారులు ఇటీవల ఆ భవనాన్ని పరిశీలించారు. సెక్యూరిటీ ప్లాన్ తయారు చేయడానికి ఫొటోలు కూడా తీసుకున్నారు.
ఇంటికి సమీపంలో ఉన్న కారు గ్యారేజీని ఖాళీ చేయాలని ఆదేశాలు వెళ్లాయి. రెండు నెలల్లోగా ఖాళీ చేయాలని కారు గ్యారేజీ యజమానిని ఆదేశించారు. ఈ ఇంటిని చంద్రబాబు తనయుడు నారా లోకేష్ పలుమార్లు సందర్శించారు.
Click it and Unblock the Notifications
Sign in with Google