• search

శ్రీవారి దర్శనంపై సిఎం చంద్రబాబు దిశానిర్దేశం...స్వరూపానందేంద్ర సరస్వతి సందేహం

By Suvarnaraju
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
      మహాసంప్రోక్షణంపై చంద్రబాబు స్పందన

      అమరావతి:తిరుమల శ్రీవారి ఆలయంలో మహాసంప్రోక్షణ సందర్భంగా దర్శనాన్ని నిలిపివేయడంపై ముఖ్యమంత్రి చంద్రబాబు స్పందించారు. దర్శనం నిలిపివేత, పూజా కార్యక్రమాలు, భక్తులకు అనుమతి తదిదర విషయాలపై టిటిడికి దిశానిర్దేశం చేశారు.

      పన్నెండేళ్లకొకసారి శ్రీవారి ఆలయంలో నిర్వహించే మహాసంప్రోక్షణ కార్యక్రమాన్ని వచ్చే నెల 9 నుంచి 17 వరకు నిర్ణయించేందుకు టీటీడీ నిర్ణయించింది. ఈ కార్యక్రమం జరిగినన్ని రోజులు శ్రీవారి దర్శనాన్ని నిలిపివేస్తున్నట్లు టీటీడీ ప్రకటించిన సంగతి తెలిసిందే. ఈ నేపథ్యంలో టిటిడి నిర్ణయం పై భక్తుల నుంచి వ్యతిరేకత రావడంతో సిఎం చంద్రబాబు ఈ విషయమై స్పందించారు.

      CM Chandrababus direction on Srivari Darshan... swaroopanandendra saraswati doubts

      మహాసంప్రోక్షణ రోజుల్లో ఆగమ శాస్త్రానుసారం పూజా కార్యక్రమాలు నిర్వహించాలని, పూజలకు ఇబ్బంది కలగకుండా చూడాలని ఆయన సూచించారు. అలాగే ఆ రోజుల్లో పరిమిత సంఖ్యలో దర్శనానికి భక్తులను అనుమతించాలని సీఎం చంద్రబాబు ఆదేశించారు. గతంలో మహా సంప్రోక్షణలో పాటించిన నిబంధనలను అనుసరించాలని తెలిపారు. రోజుల తరబడి భక్తులు దర్శనానికి ఎదురుచూసేలా చేయరాదని టీటీడీ అధికారులను సీఎం చంద్రబాబు ఆదేశించారు.

      మరోవైపు మహా సంప్రోక్షణ పేరుతో తొమ్మిది రోజుల పాటు శ్రీవారి ఆలయాన్ని మూసివేయడం వెనుక కుట్ర దాగివుందని విశాఖ శ్రీ శారదా పీఠాధిపతి స్వరూపానందేంద్ర సరస్వతి అనుమానం వ్యక్తం చేశారు. సంప్రోక్షణ జరిగే సమయంలో సీసీ కెమెరాలను సైతం ఆపివేస్తామని టీటీడీ అధికారులు ప్రకటించడం తనకు ఆశ్చర్యాన్ని కలిగించిందని అన్నారు.

      నిజానికి ఆగమశాస్త్రం ప్రకారం మహా సంప్రోక్షణ జరిగే విధానాన్ని భక్తులు తిలకించవచ్చని ఆయన చెప్పారు. ఆలయం మూసివేసే నిర్ణయం తీసుకునే ముందు టిటిడి అధికారులు కంచి, శృంగేరి పిఠాధిపతులతో సంప్రదించారా?...అని స్వరూపానందేంద్ర ప్రశ్నించారు. టిటిడి వ్యవహారాలు భక్తుల్లో అనుమానాలను పెంచుతున్నాయని స్వరూపానందేంద్ర ఆరోపించారు.

      తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

      English summary
      Amaravati: CM Chandrababu responded and guided over the TTD decision that suspension of the darshan during the Mahasamprokshanam in Tirumala Tirupathi Devasthanam.

      Oneindia బ్రేకింగ్ న్యూస్
      రోజంతా తాజా వార్తలను పొందండి

      X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more